Reportajen Joanina Casamiro
Kampaña Komisaun, Partido Democratico (PD) iha kampu Futebol Obau, Postu Administrativu Pante Macassar, Rejiaun Administrativu Espesial Oecusse Ambeno (RAEOA), liuhusi sira kampaña PD sei tau importánsia ba Iha infraestrutura bázika no loke merkadu iha fronteira ba povu RAEOA, bele fa’an sasán ho dignu.
Prezidente Partidu Demokratiku (PD) Mariano Asanami Sabino hateten iha RAEOA ko’alia liu kona-ba infraestrutura iha ona portu konstrui ona portu no area portu, konstrui ona estrada maibé seidauk to’o iha rohan tanba estrada ne’e iha fatin barak mak sei a’at hela. so iha de’it iha pante Makasar maka diak.
“Agora hahú halo estrada hosi tasi ibun atu tama ba Kupang, maibé ida ne’e seidauk hotu ita presiza halo remata estrada presiza utilizasaun ne’ebé importante ba portu Vitahara ho area portu Oecusse, povu Oecusse durante ne’e, ita hatene katak Aviaun ki’ik maka tun, ita la’o de’it ba area portu, lolos ne’e tenke aviaun bo’ot mak bele tun iha Areaportu ita uza tiha estadu nia osan investe tiha maibe dukur tiha makina lubuk ida funsiona maibe lala’o ita presiza tenke hadia ida ne’e”, Dehan Prezidente partidu PD Mariano, bainhira halo kampaña iha RAEOA , Tersa 25/04.
Nia hatutan oinsa mak portu Vitahara la’o, laos haree de’it ba ro ida ne’ebé mai hosi Dili ro bo’ot sira mos tenke iha ne’e la bele he’in de’it hosi Dili tanba uluk iha hanoin infraestrutura sira ne’e barak fasilita iha zona ekonomia atu la’o.
“Laran moras tebes asiste nafatin Oecusse oan sira ne’ebé ema kaer tenke ba sulan, tanba sira hatama mina rai, masimidar no sigaru, la’os polisia fronteira sira mak sala, maibé politika mak sala, politika la iha inovasaun, politika la iha kreatividade, ita ko’alia beibeik ona tinan sanulu liuba ita hakarak loke merkadu iha fronteira ba povu sira iha fronteira atu nune’e sira bele fa’an sasan ho dignu,” nia hateten.
Tanba ne’e, Estadu iha tenke fasilita nia povu sira para bele hetan osan, la’os difisil atu ba sira atu hetan osan, tanba Estadu iha la’os estadu kapitalista, estadu iha la’os fasilita de’it ema ne’ebé osan bo’ot, ema ne’ebé osan barak, estadu maubere oan tenke iha estadu ida ne’ebé dignifika povu, Estadu iha tanba liuhosi votus povu nian mak hamosu estadu, hamosu governu hamosu Parlamentu.
.
