Reportajen Joselina dos Santos
Komisaun Nasional Eleisaun (CNE), husu ba Komisaun Reguladora Arte Marsiais (KRAM), nomós ba Prezidente husi Organizaun Arte Marsiais no Arte Rituais sira atu kontrola membru sira labele fó palku ba individu balun ne’ebé inklui iha arte marsiais tanba palku ne’ebé iha ne’e palku ba kampaña elitorál
Liuhosi Konferensia Imprensa, Prezidente CNE Jóse Agustinho Belo hatete, labele reprezenta arte marsiais atu afilia ba partidu seluk, CNE notifika ona karik partidu ida ne’ebé sei nafatin utiliza momentu sira hanesan ne’e.
“Ha’u husu ba KRAM nomós ba partidu sira ne’ebé responsavel katak lei vigora ona ita sei hola medidas, bele mós apresia tanba bele partisipa ba Ministeriu Publika karik ida ne’e mosu situasuan sira ne’ebé dez obdese”, dehan, Prezidente José Belo iha Salaun Sentru Média CNE 2/5.
Prezidente Hhsu mós ba partidu sira hala’o kampaña ba sira nia programa oinsa sira nia vizaun no misaun la’o, labele utiliza arte marsiais hanesan sira nia objetivu atu kampaña, tanba CNE rejista hela akontese iha Baucau no Manatuto husu atu bele haree ba ida ne’e
“Husu mós ba militante sira katak, ema hotu livre atu bele hasa’e bandeira iha sira nia fatin demokrasia mak ida ne’e, labele hatun ema nia bandeira iha kalan sein na’in hatene. Karik iha uma laran rezolve ho diak labele obriga malu tanba ne’e obsaun kada individu ida-idak nian”, nia informa.