Reportajen David da Costa
Organizasaun Nasoens Unidade (ONU) iha Timor-Leste, ne’ebé maka kompostu husi WHO, UNFPA, UNICEF, WFP no UNRC, sei kontinua finasia ba programa Edukasaun, Nutrisaun no sistema Ai-han Iha Timor-Leste nomós kontinua fó apoiu ba Governu.
Reprezentante Organizasaun Nasoens Unidade (ONU) , iha Timor-Leste, Funmi B. Alexande, hateten, ohin ekipa husi família ONU vizita Prezidente Republika no troka hanoin ho serbisu ne’ebé nasaun sira ne’e halo ba Timor-Leste. Tanba ne’e sira nafatin finansia hela ba servisu ne’ebé hala’o liga ba edukasaun, nutrisaun no sistema Ai-han nomós oinsa mak kontinua fó apoiu ba Governu.
Nia haktuir, iha hasoru malu ne’e, sira mós ko’alia kona-ba Simeira SDG ne’ebé sei hala’o iha fulan Setembru iha Novaiorke, atu halo kompromisu kona-ba oinsa SDG sira-nia objetivu dezenvolvimentu sustentavel ne’ebé sei implementa hanesan entre agora to’o 2030.
“Ami hanoin katak ida-nee mak tempu ne’ebé diak atu bele halo ida ne’e, tanba imi hatene planu estratejiku dezenvolvimentu estratejiiku ida ne’e ba similaridade sei halo revizaun,” dehan Reprezentante ONU iha Timor-Leste, Funmi B.Alexander ba Jornalista iha Palasiu Prezidente Bairu-Pite, kuarta 02/08.
Tanba ne’e, Governu ida ne’e hatudu ona husi Primeiru-Ministru. Ho ida ne’e, sira sei hein katak selebrasaun ida ba SDGS mós sei integra iha Estratejiku Nasional. Tanba ne’e iha jeral sira mai atu diskute asuntu dezenvolvimentu ne’ebé furak no oinsa ONU bele kontinua fo apoiu ba Governu no povu Timor-Leste.
“Mensajen Xefe Estadu nian, ita tenke kontinua serbisu iha dalan ne’ebé koordenadu. Nia apoia tebes serbisu ne’ebé ami halo nu’udar koletivu ida, maibé mós espesífiku ita boot sira nia oportunidade. Entaun, programa ai-han saida de’it mak ita boot UNICEF, UNFPA no UNDP, se ita-boot sira hotu iha sentensa oioin no espesializasaun ne’ebé ita lori mai, ne’e apoia tebes serbisu ne’ebé ita halo no ita tenke kontinua halo serbisu ne’e,” hakotu nian.
