Reportajen David da Costa
Iha Aniversáriu Asosiasaun Nasaun Sudeste Aziátiku (ASEAN sigla Inglés) ba dala-56, Governu Timor-Leste hato’o nia felisitasain ba ASEAN, no Primeiru Ministru Timor-Leste konsidera iha tinan 56 laran halo promosaun estabilidade, unidade ho paz iha regisaun ASEAN ne’e.
“Husi Timor-Leste, ha’u hato’o ami-nia felicitações ba ASEAN, tanba iha tinan 56 laran halo promoção estabilidade, unidade ho paz iha região ne’e,” hateten Primeiru Ministru Kay Rala Xanana Gusmão iha Komunidadu Imprensa, ne’ebé Neon Metin Asesu husi Gabainete PM, iha Tersa 8/08.
Iha komunidadu ne’e nia esplika, ASEAN promove daudaun ona desenvolvimento no prosperidade ba benefício regisaun ne’e nian ho nia povo sira hotu. Ho diversidade kultural, istórika no religiosa ne’ebé boot tebetebes, no ASEAN hari’i ona komunidade ida ne’ebé nakonu ho respeito no tolerância.
Maibé Sudeste Asiático ohin loron, hanesan potência ekonómika dinâmika ida ne’ebé hateke ba futuro ho otimismo.
“Liutiha tinan 24 luta ba independência, no tinan 21 hasoru luta foun, agora ne’e ba konstrusaun ami-nia Estado democrático ho fundações nu’udar Nasaun desenvolvida no sustentável, República Democrática de Timor-Leste kontinua buka hatene loloos princípio sira ne’ebé orienta ASEAN iha transformasaun Sudeste Asiático hanesan komunidade Nasoens ida ne’ebé konfiansa, amizade ho cooperasaun mak hanesan valores ne’ebé halibur hamutuk Nasaun sira ne’ebé la hanesan,”dehan Xanana iha Komunidadu ne’e.
Tanba ne’e mak Timor-Leste hanesan membru fundadór organizasaun intergovernamental ida ne’ebé temi naran “g7+”, ho estatuto hanesan Observadór Permanente iha Organizasaun das Nasoens Unidas, luta maka’as ba paz no ba desenvolvimento, maibé liuliu ba construsaun Estado democrático sira ne’ebé respeita Direitos Humanos ho Democrasia.
Ne’e mak principal objetivo, ne’ebé hamutuk ho 19 Estados-membros, Timor-Leste buka atu atingi no, felizmente, Timor-Leste prova ba mundo katak Timor iha ona dalan ne’ebé loos, hanesan bele haree liuhusi Timor-Leste nia participasaun pacífika no democrátika iha Timor-Leste nia eleisoens Presidenciais ho Parlamentares foin daudaun ne’e.
“Ha’u hatene katak, ami mós bele hasoru desafio sira ne’ebé iha ami-nia oin, no aproveita oportunidade boot sira ne’ebé regisaun ne’e bele oferese mai ami,” tenik nia.
Tanba ne’e, Dala ida tan, Primeiru Ministru felisita ASEAN no deseja sucessos tomak iha konstrusaun ASEAN ida ne’ebé forte liután, ho respeito ba Direitos Humanos no Liberdades Democrátikas.