Reportajen David da Costa
Governu Britaniku liuhusi nia embaixadór (Dezignadu) iha Timor-Leste sei apoiu ba Timoroan sira ne’ebé maka hakarak kontinua nia estudu iha Renu Unida.
Embaixadór Britaniku (Dezignadu) ba Timor-Leste, Dominic Jermey, hateten, edukasaun ne’e importante tebes ba nasaun Timor-Leste. Tanba ne’e, governu Britaniku sei apoiu ba Timoroan sira hotu, atu nune’e bele kontinua sira nia estudu iha Renu Unida.
“Ami hakarak suporta Timoroan sira ne’ebé maka hakrak ba kontinua sira nia estudu iha Renu Unida, tanba edukasaun ne’e importante tebes ba Nasaun Timor-Leste,” dehan, Embaixadór Britaniku (Dezigandu) ba Timor-Leste, Dominic ba Jornalista sira iha eis-portu Dili, Sexta 25/08.
Nia haktuir, embaixadór Timor-Leste nian agora iha Birtaniku ne’e, nia mós finaliza nia estudu iha ne’ebá. Tanba ne’e governu Britaniku sei loke hela bolsu estudu ida iha tempu badak nia laran, no sei fó oportunidade ba Timoroan ne’ebé maka iha interse ba bolsu estudu ne’e bele aplika. Tanba ne’e nia husu ba Timoroan kontinua akompaña informasaun bolsu estudu nian hodi bele aplika.
Alende ne’e mós governu Britaniku iha komitmentu hodi apoiu formasaun ba funsionáriu Timoroan sira liga ba Timor-Leste nia adezaun ba iha membru Asosiasaun Nasaun Sudeste Aziátiku (ASEAN).
“Ami iha komitmentu hodi suporta ba funsionáriu Timoroan sira, no foin lalais ami fó treinamentu liga ba Timor-Leste nia adezaun ba iha ASEAN,” nia esplika.
