Home Saude Moras Ispa Iha Sentru Saúde Bukoli Iha 50%, Ida Ne’e Akontese Tanba...

Moras Ispa Iha Sentru Saúde Bukoli Iha 50%, Ida Ne’e Akontese Tanba Kauza Husi Bailoron Naruk

1341
0
Administradór Postu Administrativu Baucau Villa, Munisípiu Baucau, Iscensinio Antônio da Silva,(Foto-Mena | 23.11.2023]

Reportajem Filomena da Conceição

Iha sentru saúde iha Postu Administrativu Baucau Villa, Munisípiu Baucau, rejistu kazu moras  via respiratória agudu (Ispa) iha 50% tanba impaktu husi mudansa klimátika. Tanba ne’e Atoridade Postu Administrativu Baucau Villa husu ba Komunidade sira atu hakbesik an ba iha sentru saúde bainhira hetan moras.

Administradór Postu Administrativu Baucau Villa, Munisipiu Baucau, Iscensinio Antônio da Silva, hateten, Timor-Leste dadaun ne’e hasoru fenomena bo’ot ba mudança klimátika, hodi Prejudika moras oi-oin ba komunidade tanba ne’e, husu komunidade hotu tenke habesik an ba sentru saúde hodi halo tramaentu intensivo ba ida-idak nia saúde.

“Hau hakarak atu hateten katak agora dadaun fenomena bo’ot mosu ona iha ita nia nasaun Timor-Leste, tanba ita hotu hatene katak lolos ne’e, udan ona maibé agora udan seidauk mai  tanba ne’e bele prejudika moras oi-oin ba komunidade sira nia saúde,” dehan Administradór Postu Administrativu Baucau Villa, Munisipiu Baucau, Iscensinio ba Neometin iha sentru saúde Bukoli, kuarta 22/11.

Nai haktuir, Atu promove saúde presiza proteze an husi igene no meio Ambiente,  tanba ne’e hanesan Administrador prontu servisu ho pessoal saúde no  Ministro Saúde atu bele fahe informasaun diak ba komunidade sira, atu sira aproveita hodi promove saúde.

“Hanesan administrador ha’u sei esforsu nafatin hodi kopera ho autoridade lokal sira sei halo advokasia hodi atende komunidade sira ho diak liuhusi programa vizita uma atu komunidade sira mós bele hetan benefísios husi parte saúde sira,” nia dehan

Nia esplika, komunidade sira sei menus konesimentu banhira hetan moras, tanba ne’e, hanesan Administrador do Posto sei esforsu hodi servisu hamutuk ho autoridade lokal sira atu hanorin komunidade sira hodi hakbesik an ba sentru saúde, atu bele trata moras sira ne’ebé Komunidade enfreta.

Iha fatin hanesan, Xefe sentru saúde Bukoli, Maria Gorete Abuc,  hateten, mudansa klimatika ne’ebé akontese liuhusi bailoron narauk fó impaktu tebes ba Komunidade Bukoli hodi enfrenta moras Ispa.

“Moras ne’ebé a’as liu iha sentru saúde ida ne’e mak moras via respiratória agudu ninia ka ema bolu Ispa ida ne’e existe númeru ne’ebé ass tanba liga ba mudansa klimátika ne’ebé akontese ka bailoron naruk”, Xefe Sentru Saúde Bucoli esplika.

Nia salienta, Atu hadia kondisaun saúde ema hotu nian mak Komunidade ida tenke hadia ninia an hodi hadook an husi atividades sira ne’ebé fo perigu ba ema nia saúde.

Alende ne’e, sentru saúde Bucoli iha fasilidade ne’ebé suficiente no seguru ba pasiensia sira ho totál funsionario hamutuk 20 pessoas no moras ne’ebé registu aas iha sentru saude Bocoli mak moras via respiratória agudu (Ispa) 50%, tanba impaktu husi mundansa klimátika

Print Friendly, PDF & Email

LEAVE A REPLY

Please enter your comment!
Please enter your name here