Reportajen Filomena da Conceicao
Prezidente Da Repúblika José Ramos Horta hateten, fahe prémiu ba manan nain, Sérgio Vieira de Mello hanesan rekonesimentu ida husi governu Timor-Leste hodi relembra figura internasional, tanba Sergio Vieira de Mello hanesan figura internasional.
“Ema ida atu rekoñese nia, no muda ha’u iha primeira mandatu no iha primeira mandatu hamutuk ho Nações unidas ami ko’alia kona-ba primeiu Sérgio Vieira de Mello, para liuhusi instituisaun ida ita relembra, figura Internasional ida, ne’e mak istória prémiu Sergio Viera de Mello hanesan Prémiu ofisiál”, Dehan Presidente da Repúblika iha ninia diskursu, iha palácio Presidensial Bairo-Pite, Kínta 14/12.
Nia haktuir, Sérgio Vieira de Mello hanesan reprezentante espisial husi sekretáriu Jerál Organizasaun Nasoens Unidas (ONU), no to’o iha Timor iha fulan Outubro, tinan 1999, no tuir mandatu konsellu seguransa, no kria forsa de paz ba administrasaun ONU, ho naran UNTAET no sai husi Timor iha loron 21, fulan Maiu, 2002.
Nia salienta, Sérgio Vieira de Mello hahú servisu iha ONU, ho idade 20 anos, hanesan ema ne’ebé intlektual, no estuda iha franca, no nia kareira sempre iha área umanutariu, no sai husi Timor, sekretáriu Jerál ONU, hili nia sai hanesan aktu komisariu ba direitus Umanus.
Iha fatin hanesan, ba Neon Metin espoza Manan nain “Sérgio Vieira de Mello” Anita Cardoso, hateten, hanesan espoza sente orgullu tanba luta ne’ebé matebian Sisto dos Santos halo durante iha nia moris hetan rekonesimentu husi governu Timor-Leste, maske mehi ne’ebé matebian iha la realiza hotu.
“Hau orgullu tanba, luta ne’ebé mak Nia halo antes, no kontribuisaun ne’ebé Nia halo Nia sempre hakilar ba kbiit laek sira, no sempre defende kbiit la’ek sira, no ho voluntariamente sempre halo solidariedade ba povu sira ne’ebé mak enfrenta violasaun direitus Umanus, ida ne’e mak halo hau sente orguillu”, dehan Anita Cardoso ba Neon Metin.
Nia salienta, Parte seluk sente orguillu tanba matebian Sisto dos Santos nia luta ba direitus umanus, no povu kbiit laek hetan rekoñesementu husi Presidente da Repúblika tanba kontribuisaun no edukasaun ne’ebé Durante ne’e matebian halo hetan valoriza husi ukun nain sira.
Ho lian triste Nia hatuir, nu’udar kaben, no parte sira husi família mós sente triste tanba lakon matebian Sisto no luta ne’ebé nia iha seidauk atinje, nune’e mós povu no rai Timor-Leste sei presiza nafatin Nia kontribuisaun no prezensa maibé ohin loron nia husik ona povu no nasaun Timor-Leste.
Entretanto, prémiu Sérgio Vieira de Mello, saudozu Sisto dos Santos sai manan nain ba kategoria direitus Cívil i politika, Luciana Guterres , manan nain Arguiris Timor-Leste, Filomena da Costa, Manuel de Jesus, Fernando António Madeira sai manan nain, Direitus economicos sócias no culturais.