Reportajen Filomena da Conceição
Arcebispo Metropolitano de Dili, Dom Virgilio Cardeal do Carmo da Silva (SDB), Kalrifika ba públiku atu labele kahur vizitasaun Papa Francisco ho Eviksaun ne’ebé akontese iha sidade tanba laiha ligasaun ho vitasaun papa Francisco Nian mai iha Timor-Leste.
“Ohin dadader hau hetan notifikasaun ida ne’ebé hakarak klarifika ba publiku, tanba horseik no hodi kalan sai oituan dehan katak tanba Amo papa ninia vizita maka obriga atu halo eviksaun ba iha fatin hirak ne’e hotu. Ne’e duni hau hakarak fo sai katak ita lalika kahur buat rua ne’e, iha eventu bo’ot ida ne’e, buka atu haree buat ne’e tuir ida-idak nia kompetensia”, dehan Dom Virgilio ba Jornalista sira iha Edifisiu Eis Ministra Financas Motael, sesta, 19/04.
Nia haktuir, Parte Igreja simu ona nofikasaun husi Presidente Autoridade Munisípiu Dili, Maibé iha notifisaun refere la deskreve katak governu halo evikasaun tanba vizitasaun Papa Francisco nune’e, publiku labele kahur asuntu eviksaun ho vizitasaun Papa Francisco.
“Felizmente ohin dader hau hasoru Presidente Autoridade Munisípiu Dili, (PAM), ami hala’o atividade ida iha Katedral no hau dada lia oituan ho Nia ho maibé, Nia dehan Amo hau mos hakfodak hodi kalan sira dehan katak, sira temi dehan tanba Amo papa nia vizita mak halo ida ne’e, hau husu iha surat ruma bele fo mai i nia entrega duni mai hau kona-ba notifikasaun ne’ebé nia hasai”, Nia esplika.
Nune’e notifikasaun ne’ebe parte Igreja hetan husi PAM la temi dehan katak, tanba Amo papa ninia vizita mak haruka Governu sobu komunidade nia uma maibé, vizitasaun AmonPapa Francisco mai Timor ne’e, maibé eviksaun palnu governu nia planu desde uluk”, Nia esplika
Entretatu, Lider Katólika refere enkoraja mos ba públiku hotu atu labele kahur vizitasaun Papa Francisco ho Programa Sekretáriu Estadu Estudu Asuntu Toponomia Organizasaun Urbana (SEATOU) ne’ebé hala’o hela eviksaun iha sidade Dili tanba ida-ida iha Nia kompetensia.