Reportajen Silvino Freitas
Sekretáriu Estadu Formasaun Professionál no Empregu (SEFOPE) liuhusi Diresaun Nasionál Empregu Estranjeiru (DNEE) sei anunsia númeru referénsia ba traballadór ne’ebé aplika ba vaga online Australia nian ho valór exelente, verry-good ho good iha semana oin hodi sira bele kompete merkadu iha Australia nian.
Diretór DNEE João Correia Pereira dehan, prosesu ba traballadór sira ne’ebé aplika bá vaga online Australia nian ho valór exelente, verry-good ho good sei fo sai númeru referénsia atu bele kompete ona ba merkadu hodi ba servisu iha Australia, nune’e aplikante ne’ebé valór sufisiente ba to’o verry-poor SEFOPE liuhusi Diresaun Empregu Exterior halo ona instalasaun sistema iha munisípiu no hahu ona halo iha Likisá Ermera Bobonaro.
“ekipa servisu makaas hela wainhira ita halo hotu ona iha fulan ida ne’e nia laran maka sei halo update ba sira ne’ebé kompleta ona kursu atu bele update iha sistema” dehan Diretór DNEE João Correia Pereira ba jornalista sira iha Timor Lodge, (06/11).
Nia dehan tan, númeru aplika ba vaga online Australia nian hamutuk 42.000 (quarenta e dois mill) enkuantu iha numeiru 31.000 (trinta e um mill mais 1 (ida) mak tenke ba tuir kursu lian Ingles, nune’e sira ne’ebé kompleta ona kursu SEFOPE sei fo sai avizu atu sira bele ba update dadus iha sistema tuir kapasitasaun formasaun lian Ingles ne’ebé simu ona.
“Publiku sempre husu ema la liu, laiha ema ida mak laliu, liu hotu valór mak tuir kategoria ne’ebé la hanesan” dehan Diretór DNEE João Correia.
Diretór ne’e konklui, dadaun ne’e tuir dadus ne’ebé DNEE-SEFOPE rejista ba traballadór sira ne’ebé dadaun ne’e servisu iha Korea no Australia munisípiu Dili mak ho numeru traballadór barak liu maka enkuantu tuir mak Baucau, Ermera, Bobonaro ho tan munisípiu sira seluk.
