Reportajen Silvino Freitas
Parlamentu Nasional (PN) realiza seminariu ba revizaun konstituisaun Republika Demokratika Timor Leste hodi engloba hanoin husi sosiedade, akademiku no jurista sira atu halo revizaun neebe ho hanoin barak ho fundamentasaun ba alterasaun tenke metin ho garantia katak mudansa sira ho hadia tebes duni, nunee tenke halo revizaun artigu balun neebe provoka elastisidade no interpretasaun ba lei sira liuliu kompetensia entre orgaun soberania nian.
Prezidente PN Fernanda Lay dehan, sei la lahalo revizaun ba artigu hotu maibe iha artigu balun neebe provoka elastisidade no interpretasaun hodi provoka buat hotu sai at liu nunee maka tenke halo ho kuidadu no rigor ho hotu hotu nia hanoin ba nasaun ho pobu ida nee atu labele iha partidu ida idak dada ba nia an, nunee nia konsidera iha interpretasaun neebe fraka tebes hodi dada malu iha artigu 115 neebe hateten primeiru ministru husu nia demisaun prezidente tenke hateten buat ruma.
“iha oitavu governu lae, ita ba halo fali koligasaun ida la ho normal ida nee mak sai komplikadu uituan iha interpretasaun depois la fo tomada de posse ba membru governu neebe primeiru ministru hatoo nia kompetensia” dehan PPN Fernanda Lay iha salaun auditoria ministra finansa, (03/12).
Nia dehan tan, kompetensia neebe prezidente halo kaor kompetensia orgaun seluk nia hodi la fo tomada de posse neebe laiha razaun klaru too dadaun nee hodi halo konfuzaun konaba hadau kompetensia orgaun soberania nian, nunee revizaun konstituisaun nee tenke engloba komponente sosiedade sira liuliu akademiku jurista sira hodi konvoka ho deputadu sira tanba deputadu sira maka vota ba artigu sira.
Entretantu seminariu neebe realize iha salaun auditoria Kairala Xanana Gusmao Ministra Finansa Aitarak Laran organiza husi parlamentu nasional neebe rona opiniaun husi sosiedade sivil, akademiku, jurista, eis deputadu no konvikaun relijoza sira konaba revizaun konstituisaun RDTL nian.