Reportajen David da Costa
Embaixadór Japaun mai Timor-Leste, Tetsuya Kimura atualiza kona-ba planu Governu Japaun nian ne’ebé iha tinan 2026 atu hahú konstrui terminál foun pasajeiru nian no halo manutensaun ba Aeroportu Internasionál Prezidente Nicolau Lobato Komoro, no mós progresu konstrusaun pediatria Hospitál Nasionál Guidu Valadares (HNGV) nian ba Prezidente Repúblika (PR) José Ramos Horta.
Embaixadór Japaun mai Timor-Leste, Tetsuya Kimura, hatete, ohin mai despedida ba Prezidente Repúblika José Ramos-Horta tanba tinan oin 2026 mandatu Embaixadór remata ona, tanba durante ne’e Prezidente Repúblika apoiu mos povo Japaun.
“Ohin ha’u mai halo vizita kortezia ida ba Prezidente Repúblika, tanba ha’u husik hela nasaun iha inísiu fulan Janeiru no ha’u presiza despedida ida ba Prezidente Repúblika, no ha’u espresa ha’u nia sinseru, apresiasaun ba Prezidente Repúblika ba nia orientasaun no apoiu mai ha’u no ba Japaun, entaun durante ha’u nia mandatu Timor-Leste. Dehan Embaixadór Japaun mai Timor-Leste, Tetsuya Kimura ba jornalista sira hafoin despedida ho Prezidente Repúblika, José Ramos Horta iha Palásiu Prezidensiál Bairu-Pite, Segunda 15/12.
Nia salienta “No mós projetu sira ne’ebé ha’u atualizadu, ita iha projetu boot haat, ida mak projetu Aeroportu Internasionál, no Ami sei hahú tinan oin, konstrusaun terminal pasajeiru foun manutensaun Aeroportu Internasionál”.
Nia haktuir, no Japaun hahú ona konstrusaun ba fasilidade iha Hospitál Nasionál Guidu Valadares (HNGV) no mós iha inisiativa sira setór privadu nian, ida mak konstrusaun ró no ida, seluk mak sentrál enérjia solar mega no esplika ba Prezidente Repúblika, sorin boot haat ne’e atu proteje.
Tanba ne’e hakat ba oin no Prezidente Repúblika kontente, atu rona ida ne’e, entaun hein katak, relasaun sira sei hametin liu tan no ho apoiu ho Prezidente Repúblika.
Entretantu, iha enkontru ne’e, Prezidente Repúblika, José Ramos Horta hato’o nia apresiasaun ba servisu durante nia mandatu, no nia mós apresia katak ba projetu importante sira la’o ba oin no nia hakarak hametin mós pilotu iha futuru.