Reportajen Silvino Freitas
Governu liuhusi Sekretariu Estadu Komunikasaun Sosial (SEKOMS) apoiu Sentru Audiovizual Max Sthall Timor Leste (CAMS-TL) hodi dijitaliza no preserva obra jornalistiku neebe konsidera dokumentu istoriku neebe ligadu ho istoria timor leste husi RTTL no Tatoli, nunee CAMSTL prepara data center ho 100 terabyte hodi rai dokumentu sira nee, nunee mos sira sei koalia ho governu nunee atu rai mos obra jornalista husi media privadu sira.
Director CAMSTL Eudicitio Pinto dehan, dokumentasaun husi RTTL no TATOLI tenke preserva no dijitaliza atu jornalista sir abele uza ba sira nia notisia, nunee sira prepara ba plataforma rua mak ida ba RTTL no ida ba TATOLI atu bele dijitaliza tiha sira nia materia, plataforma rua nee sei entrega fali ba rttl no tatoli atu sir abele uza nunee ba oin sira sei fo fiar nafatin ba kamstl atu preserva nafatin, nunee kamstl iha ona rekursu neebe diak atu preserva rekursu sira nee.
“produtu sira nee produtu jornalista hotu neebe nee hanesan riku ba nasaun dalabarak iha universidade sira hakarak hatene istoria ruma konaba passadu, entaun politika neebe mak iha laos atu preserva media estatal deit maibe ba media hotu inisiu maka tatoli no rttl” dehan Director CAMSTL Eudicitio Pinto iha KAMSTL Dili, (30/01).
Nia dehan tan, iha tinan ida nee sira koalia ona ho governu atu bele halo sosializasaun plataforma neebe ita iha ba media privadu sira atu bele iha koolaborasaun ho media privada sira karik sira hakarak preserva entaun bele halo planu estratejiku ida hodi bele tau materia sira tanba dadaun nee sei iha espasu ho kapasidade 100 terabyte no dadaun nee uza ona 20 terabyte nunee media sira seluk mos bele tau sira produtu sira iha kamstl depois mak bele kria fali mirroring plataforma nee ba sira atu bele asesu rasik maibe konaba seguransa nee tenke iha sosializasaun mak bele koalia nunee tanba ema neebe diriji data nee tenke director sira.
“ema nia materia sira rai iha nee mos ami labele halo buat ruma atu muda liafuan no naran ami tenke husu no ema neebe atu foti nee tenke hetan autorizasaun husi nain, depois ita iha prosedimentu atu bele koalia ho midia privadu sira atu bele preserva sira nia produtu jornalista sira” dehan Eudicitio Pinto.
Director Eudicitio esplika, husi sira nia sentru hetan apoiu husi SEKOMS nunee dadaun nee sira iha server data ho kapasidade 100 terabyte sira uza 20 terabyte hodi preserva dokumentu dijital 456 file maibe materia hirak nee nia durasaun nee bele too oras 3 nunee uza gigabyte 25 liu neebe han makaas liu kapasidade servidor, nunee tenke update tan karik iha media seluk neebe hakarak mos tau karik governu fo tan apoiu it abele update tan, maibe husi media privadu nee sei todan demais tanba sira uza high definition sei uza kapasidade barak tanbe nee presiza hasae tan kapasidade data server.
SEKOMS Expedito Dias hateten, nonu governu liuhusi SEKOMS halo kooperasaun ho KAMSTL iha nia progresu neebe diak nunee arkivu sira nee inklui gravasaun istoria no video notisia sira neebe presiza duni dijitaliza hahu husi 1999 too 2005 neebe sei analog ho fita DVD nunee bele transfere hotu ba dijital bele preserza husi tinan ba tinan atu ita nia jerasaun sira bele akompana, husi arkivu ba RTTL no Tatoli nee fo importansia tebes tanba husi dijital mak sei bele proteje no salva istoria arkivu nian neebe ho valor boot tebes ba ita nia identidade nasaun nian.
“bainhira hau ho Jose Belo nia sei prezidente RTTL momentu neeba ami rua hanoin ita iha dokumentu istoriku neebe ita presiza dijitaliza iha momentu neeba ami nain rua haree katak komesa kedas iha 1999 ita nia arkivu isoriku neebe iha instituisaun neebe kompetente ho media iha timor leste maka museum resistensia ho CAMSTL” konklui SEKOMS Expedito Dias.
