Home Saude COVID-19, Hosi Kazu Ativu 298, Iha Pasiente 2 Mak Kazu Moderadu Tanba...

COVID-19, Hosi Kazu Ativu 298, Iha Pasiente 2 Mak Kazu Moderadu Tanba Presiza Oxijenio

492
0
ekipamentu oxijeniu. [Foto: copyright google | 26.03.2021]

Reportazen Zevonia Vieira

Ohin loron ekipa vijilansia Ministeriu Saude deteta tan kazu konfirmadu foun COVID-19 hamutuk 58, liu hosi zoom press conference, Neon Metin halo konfirmasaun ba dadus refere ne’ebe kontinua sae, pursentu hirak mak afeta ba kazu moderadu?

Ba Neon Metin Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo informa katak ohin loron kazu moderadu nain rua, hosi kazu rua ne’e refere, nain ida deteta hosi ospital Guido Valadares ho kondisaun estavel, nia halo tratamentu ba moras promunal no halo swab test no hetan pozitivu COVID-19.

“Hosi kazu ativu COVID-19 hamutuk 298 ba loron 26 Marsu, pasiente nain rua mak moderadu. Sira nain rua klasifikadu hanesan moderadu tanba sira presiza oxijenio”, dehan Dr. Rui ba Neon Metin via zoom, 26/03.

Nune’e dadus jeral iha Timor-Leste ba loron 26 Marsu mak kazu foun total 58, kazu rekuperadu nain 17, Total kazu ativu iha 298. Husi kazu foun nain 58 ohin, iha mane nain 27, feto nain 31, ema sintomátiku nain 6, ema asintomátiku nain 52.

Dr. Konklui no apela ba populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona katak uza mascara, fase liman beibeik ho sabaun ka dezinfetante ruma, evita kose liman ba matan, inus ho ibun,  wainhira kumprimenta malu, lapresiza ka’er liman, bensa-liman, rei-malu ka haku’ak malu, evita halibur malu barak no hamri’ik ka tur do’ok husi ema seluk, mínimu metru ida ho balun

Print Friendly, PDF & Email

LEAVE A REPLY

Please enter your comment!
Please enter your name here