Reportajen Silvino Freitas
Embaixada Japaun iha Timor-Leste apoiu NGO Japones Frontline ho osan $506,730 hodi implementa projeitu hasae kualidade servisu saude maternal liuhusi kapasitasaun ba professional saude no hadia fasilidade iha munisipiu bobonaro.
Embaixador Japan Iha Timor-Leste, Yamamoto Yasushi dehan, iha seitor saude maioria seitor saude sira infrenta difikuldade atu funsiona ho efetivu prinsipalmenta tanba espasu limitadu, no fornesimentu enerjia neebe instavel, bobonaro durante nee hasoru dezafiu oioin inklui falta asesu ba saude durante tempu udan, maski taxa prezensa ba kuidadu antenatal maka 56% aas liu media nasional 43% taxa mortalidade maternal no neonatal aas nafatin no taxa partu iha fasilidade saude nafatin kiik, nunee parseria UNFPA japaun halao ona renovasaun no formasaun iha sentru saude komunitariu Lolotoe Bobonaro.
“frontline nuudar ONG japaun nian ida neebe presta apoiu ba iha seitor saude dezde tinan 1999 molok timor leste resataura ninia indepedensia, nunee sira implementa ona sira nia projetu iha dili ermera no bobonaro” dehan Embaixador Japan iha timor leste Yamamoto Yasushi iha embaixada Japaun Dili, (12/02).
Nia dehan tan, projetu nee frontline hakarak mellora kualidade servisu saude meterna nian no kontribui ba redusaun mortalidade maternal no neonatal iha bobonaro, nunee atividade principal sira maka instalasaun Sistema enerjia solar iha instalasaun mediku oinoin no formasaun ba profisionais sira ultrasonografia nian iha ezame prenatal sira, ONG japoneza nee mos sei realiza formasaun komunikasaun ba pesoal mediku sira no implementa klase inan nian iha kolaborasaun ho grupu apoiu maternu UNFPA nian.
Entretantu Ministra Saude Elia Amaral dehan, ho komitmentu governu japaun nian bele reforsa halo kualidade diak servisu maternal nian no hadia kapasitasaun ba professional saude sira neebe iha area remota sira, nunee nia apresia ekipa husi frontline nian neebe sei hadia kapasidade professional saude no infraestrutura iha munisipiu bobonaro nian, nunee dadaun nee iha munispiu bobonaro iha ona postu saude 30 sentru saude 8 ho maternidade 1.