Reportajen Silvno Freitas
Arcoiris Timor Leste realiza festival ho tema respeitu no bondade hodi sosializa ba sosiedade konaba ezistensia moris komunidade Lesbian, Gay, Bisexual, Transgender, Intersex, Queer no Asexual (LGBTIQA+) nian, tanba komunidade LGBTIQA+ kontinua hetan diskriminasaun husi sosiedade nunee mos husi familia rasik neebe la simu sira nia oan sai hanesan komunidade LGBTIQ tanba sira mai ho kultura patriarkal.
Komunidade LGBTIQA+ Ara Fonseca dehan, tanba kleur ona ema dehan kontra maibe komunidade LGBTIQA+ sira kontinua hetan bully no stigma no balun deit mak hetan respeitu, no bondade nunee husi atividade sira nee mak atu hatudu ba sosiedade sira hotu bele iha komprensaun respeitu no bondade ba komunidade LGBTIQA+ sira, nunee husi sira nia luta neebe durante nee sira halo hamenus ona diskriminasaun ba sira nia maluk no husi aitivdade festival sira hanesan nee halo advokasia nunee ema seluk bele hatene komunidade LBGTI nia moris.
“iha area rural sira nee hetan diskriminasaun makaas liu laos husi sosiedade maibe diskriminasaun sira nee dalaruma mai husi uma laran rasik, iha dili ema balun komprende ona maibe ema balun mak seidauk maibe peskiza neebe ami halo iha munisipiu dalaruma diskriminasaun nee mai husi sira nia ladeia ka suku dalaruma mos mai husi uma laran rasik” dehan Komunidade LGBTIQA+ Ara Fonseca, iha Jardin uma laku Farol, (28/02).
Nia dhan tan, dikriminasuan sira nee akontese iha munisipiu hotu tanba iha munisipiu sira sempre iha ema LGBTIQA+ tanba sira rasik mak espresa sira nia istoria mai ita, nunee mos hanesan iha munisipiu baucau nee Sistema patriarkal nee makas liu nunee sira nia oan neebe tama ona komunidade LGBTIQA+ sira la simu ona, nunee mos iha munispiu sira seluk maibe komunidade sira nee barak mak lakohi koalia sai tanba sira tauk atu komunidade no familia sira hatene tanba nee hatudu diskrimiasaun nee mai husi familia uma laran.
Fatin hanesan komunidade LGBTIQA+ Estefano Amaral dehan, hanesan komunidade LGBTIQA+ iha sosiedade balun simu nia moris no balun la simu nia moris hanesan komunidade LGBTIQA+ maibe nia familia rasik mos simu nia hanesan komunidade refere, tanba nee nia familia rasik simu nia hanesan komunidade LGBTIQA+, maibe iha kolega seluk neebe mos moris hanesan komunidade LGBTIQA+ dalabarak sira moris susar tebes tanba sira nia familia rasik dalabarak la simu sira hanesan moris neebe sira halao hanesan komunidade LGBTIQA+.
“ami tenke tenta beibeik atu fanu komunidade sira atu hatene moris komunidade komunidade LGBTIQA+ iha timor leste, ida nee ma kami la nonok maibe ami nafatin hakilar tanba komunidade LGBTIQA+ moris hanesan umanu ida iha nasaun ida” dehan Komunidade LGBTIQA+ Estefano Amaral iha ambitu festival uma laku farol.
Nia dehan tan, tanba iha timor leste laos ema hotu konese komunidade LGBTIQA+ maibe ema balun deit mak konese no hatene no komunidade balun mos apoia ona komunidade LGBTIQA+ sira nia moris maibe komunidade balun sei la simu komunidade LGBTIQA+, tanba ema ida neebe espresa nia an hanesan komunidade LGBTIQA+ entaun sira hahu bullying trata no sira mos dalaruma publika iha media konaba ema nee nia moris, nunee husi advokasia nee sira koko nafatin atu dere odamatan governu nian atu luta hamutuk ho sira hodi haree ba asuntu refere hodi promove inkluzivu.