Reportajen Silvino Freitas
Klibur Estudante Manufahi (KEM) preokupa ho Diresaun Nasional Transporte terestre (DNTT) munisipiu Manufahi neebe hapara ona movimentasaun transporte publiku Grandmax neebe tula pasajeiru diresaun Dili Same no Same mai Dili, dadaun nee iha Carry 6 ho Buss rua maka halo movimentasaun neebe difikulta pasajeiru sira husi Same inklui vendedor sira atu lori sira nia produtu mai faan iha Dili, nunee mos difikulta estudante sira neebe atu ba halo ferias loron boot paskua iha sira nia Munisipiu.
Portavoz estudante Alolito Noronha dehan, DNTT munisipiu Manufahi tenke tenke esplarese ba publiku ligadu ho desizaun hapara transporte publiku hanesan Grandmax diresaun Same Dili no Dili Same, tanba transporte hirak nee importante tebes ba estudante no vendedor sira halao viajen nunee mos tula vendedor sira nia produtu lokal hodi mai faan iha Dili nunee sira lakonkorda ho dezisaun husi DNTT neebe hapara transporte publiku neebe afeta direita ba manufahi oan.
“Desizaun husi DNTT ne’e, afeta ba pasagerus sira nia atividade no movimentasaun husi dili same, afeta ba vendedor sira ne’ebe atu transporta produtu lokal mai iha dili, afeta ba kondutor sira ne’ebe mak buka moris hodi sustenta sira nia familia, afeta mos ba estudante ne’ebe hala’o hela estudu iha dili, ne’ebe mak atu viagem ba same partisipa iha tempu Pasqua” dehan Portavoz estudante Alolito Noronha lihusi konferensia imprensa iha Jardín 5 de Maio, (26/03).
Alolito dehan tan, sira estudante neebe reprezenta inan aman ho negosiante Manufahi oan husu ba DNTT munisipiu Manufahi atu fo autorizasaun ba tranportes públiku sira hotu ne’ebe durante ne’e hala’o operasaun ba passajeirus diresaun Same Dili no Dili same bele hetan autorizasaun nune bele halo movimentasaun ba mai hanesan bain-bain atu nunee bele solusiona ba estudante pasageiros no mos negosiante sira bele halo atividade loro-loron hanesan movimentasaun husi kapital ba munisipiu no munisipiu ba capital no toma atensaun hodi fo solusaun ba prekupasaun vendedor no pasagerios sira nia.
Estudante Erikson Noronha mos reforsa, situasaun neebe akontese iha munisipiu manufahi maka husi DNTT hapara ona transporte publiku hanesan Carry tanba iha problema uituan entre Carry ho Buss nunee husi parte DNTT autoriza deit maka Buss hodi halo movimentasaun no Carry labele halo movimentasaun ona maibe dadaun nee iha Buss rua maka halo movimentasaun ba mai entre Dili Same, nunee buss rua nee sei la augenta atu tula pasajeiru no vendedor sira atu halo movimentasaun ba mai, tanba nee dadaun nee tama ba loron boot paskua nian maibe ho buss rua sei la augenta atu tula pasajeiru.
“tama ona ba semana 3 ona sira hapara ona karreta Carry sira liuliu anguna sira entaun kuaze semana rua nee fo problema ba negosiante no pasajeiru tanba nee laos ona tempu atu ita hein deit sira tanba kuaze semana 3 sira dehan hein maibe too agora solusaun laiha tanba nee ami pasajeiru difisil atu halo movimentasaun ba mai” dehan Estudante Erikson Noronha.
Erikson Noronha konklui, iha semana rua liu bam aka sira hapara tiha hotu gandmax no autoriza deit 6 maka halo movimentasaun tanba 6 nee iha lisensa movimentasaun nian entre Same Dili, nunee sira seluk nee maubisse dili, ainaro dili no hatubuilico dili nunee DNTT hapara grandmax neebe tula pasajeiru iha same hodi halo movimentu ba mai.
