Reportajen David da Costa Gusmao
Kandiatu Prezidente Republuika (PR), Hermes da Rosas Correia Barros ho númeru sorteiu 2, iha nia vizaun katak atu hateke Timor-Leste ida ne’ebé nabilan, no misaun ida atu hatur hikas orgaun soberania iha estadu ida ne’e, estabilidade, hametin koezaun sosiál ba unidade nasionál.
“Hau nia lema maka hamutuk ho hau atu harii Timor ida ne’e nabilan ba Timoroan hothotu,” dehan kandidatu PR Hermes bainhira partesipa iha debate elisaun Prezidenial iha Novu Turismu Lesidere, tersa 15/03.
Ho ida ne’e kandidatu PR Hermes ho númeru sorteiu 2 ne’e, mai ho nia vizaun maka atu hatetek Timor ida ne’ebe nabilan.
“Atu responde ba hau nia misaun maka atu hatur hikas orgaun soberania iha estadu ida ne’e, harii hikas estabilidade, hametein koezaun sosiál ba unidade nasionál no kbiit ekonomia povu husi baze no kombate korupsaun iha ita nia rain Timor-Leste,” tenik nia.
Nun’e atu reponde husi knaar ne’ebe maka hakerek iha artigu 74 ho artigu 91, atu hateten katak konvensiu ho knaar prezidente da republika nian maka atu promulga orsamentu estadu ida ne’ebé ho responsabilidade. Atu promulga lei no lei oan sira ne’ebe responde ba nesesidade povu no governu ida ne’e.
Nia dehan atu hadia lei no lei ona sira ne’ebe maka agora dadauk la responde nesesidade povu nian iha nasionál no to’o iha baze. Atu garante relasaun entre Timor-Leste nian no nasaun hothotu iha intermu de kooperasaun.
