Reportajen Francisco Colo
Eleitu Presidente Repúblika, Dr. Jose Ramos Horta halo enkontru dahuluk ho ho Prezidente Republika atuál, Dr. Francisco Guterres Lu Olo, hodi kolia kona-ba preparasaun 20 Maiu, ne’ebe realiza ho diak no dignidade estadu nian, no husu Lu-olo halo dialogu ho lider sira nasionál sira hodi hametin dame.
“Ha’u foin enkotru ho nai Presidente Dr. Francisco Guterres Lu Olo, ba primeiru enkontru formal depois de rezultadu konfirmadu husi CNE, nai Presidente ha’u dehan konfirmadu simu ha’u ho delegasaun d’iak nu’udar lideransa nasional.”dehan Ramos Horta hafoin remata enkontru palasiu prezidénsia Aitarak Laran, 27/04.
Nia hatutan enkontru dahuluk ne’e, atu haree prosesu serimónia 20 Maiu, serimónia la’o ho diak ho dignidade estadu nian, povu nian, no sosiedade nian buat hot lao daudauk ona husi ekipa Prezidensia ho Estatál, no entidades hotu ne’ebé partisipa iha prosesu ne’e.
Iha sorumutu ne’e Horta husu ba Lu Olo atu apoiu nia, para halo diálogu ho lider nasionál sira, partidu polítiku sira, no Parlamentu Nasionál hodi hametin dame.
“Ha’u mos konsulta ho Presidente iha kestaun nasionál no internasionál, sempre buka ona Presidente sesante, no hau mos hatete ha’u sei husu Presidente nia tulun, ninia apoiu halo dialogu ho lider nasional sira, partidu politiku iha Parlamentu Nasional no iha liur, para oinsa ita haklean demokrasia, haklean dame no hametin dame.” Dehan Horta
Lider nasional ne’e akresenta liu tan, atu oinsa ita book ita nia ekonomia ba oin, tanba tinan 5 ne’e iha dezafiu boot iha área barak, maibé área ne’ebé importante tebes mak ekonomia, ne’ebe la’os knaar Prezidente nian, maibé ita hare krize ekonomia, sosial no umanitária. Prezidente nia autoridade para mobiliza governu ho Parlamentu no kolia ho ema internasional para ita fo resposta ba krize ne’e
