Reportajen husi Estajiadu UNTL, Joanina Casemiro
Eskola Ensinu Sekundária Jerál (EESG), 5 de Maiu Becora menus fasilidade livru iha biblioteka, tanba afeta husi inundasaun iha loron 4 Abril 2021, ne’ebe implika ba prosesu aprendizajen, tanba livru barak mak hetan estragu
Prezidente Ossis EESG, Octavio Pacheco Barbosa informa durante ne’e biblioteka iha, maibé tanba akontese inundasaun iha loron 4 Abril 2021, be’e tama no estraga livru sira hotu ne’ebe iha biblioteka laran
“Daudaun ne’e ami biblioteka iha, maibe susar ba ami atu asesu livru ho di’ak, durante ne’e buat hotu la’o diak, maibe akontese inundasaun ne’e estraga hotu ami nia arredores eskola nian, no halo buat sira ne’e sai paradu hotu,” dehan Octavio ba Neon-Metin iha eskola 5 de Maiu Becora 27/05.
Nia dehan kada loron estudante tuir prosesu aprendizajen, professor sira hakarak estudante hotu tenke kaer livru, maibé haree ba kondisaun eskola nian hakarak ka lakohi profesór sira mak ka’er livru hodi hanorin estudante sira.
Relasiona ho situasaun ne’e Octavio rekomenda ba parte edukasaun nian, hodi ajuda fo livru balu husi désimu 11 to’o désimu 12 ano, nune’e estudante sira bele aprende ho di’ak.
Diretór eskola 5 de Maiu, Manuel Verdial hatete loos duninkatak iha eskola ne’e livru la sufisiente ba estudante sira, tanba akontesimentu Inundusaun, estraga livru iha biblioteka laran, susar ba estudante sira atu asesu livru iha biblioteka tanba livru la kompletu
