Reportajen estudante estajiadu UNTL, Joanina Casemiro
Ministra Negósiu Estranjeiru No Kooperativa Timor Leste (MNEKTL) halo serbisu bilateral ho Repúblika Cheka (RC) no Uniaun Europeia (UE) hodi rona Timor-Leste nia opiniaun konaba Seguransa Indu Pasífiku.
Ministra Negósiu Estranjeiru No Kooperativa (MNEK), Adalgisa Xavier Reis Magno hateten ho vizita ba Repúblika Cheka, tanba hetan konvite hosi Ministru Estranjeiru Repúblika Cheka atu halo diálogu altu nivel kona-ba Indu pasífiku nian, tanba komesa fulan Juñu nia laran Repúblika Cheka mak kaer Prezidente Uniaun Europeia.
“Sira hakarak rona Timor-Leste nia opiniaun kona-ba seguransa Indu Pasífiku, iha Ministru barak iha ne’eba primeiru diálogu altu nivel, hau ho Ministru Estranjeiru Indonesia mak halo, depois hau sei iha tan reuniaun bilateral lubuk ida ho Uniaun Europeia, Romania no Repúblika Cheka”, Dehan Ministra Negósiu Estranjeiru Adalgisa ba jornalista sira iha Salaun VIP Aeroportu Internasionál Presidente Nicolau Lobato Komoro.09/07.
