Reportajen Filomena da Conceição
Sekretáriu Estadu Formasaun no Profisional Empregu (SEFOPE), liuhusi Diresaun Nasionál Exteriór Empregu (DNEE), ohin publika ona vaga online ne’ebé maka Timoroan sira aplay iha fulan abril liu bá, atu ba Servisu iha Austrália, liuhusi eskema PALM (Pasific Australia Labour Mobility) hamutuk 55,000 maibé 2,500 maka liu iha selesun no 52,500 lapasa ka laliu.
Diretór Jerál SEFOPE, Paul Alves hateten, ohin SEFOPE lihusi Diresaun Nasional Exteriór Emprego halo ona publikasaun ba naran kandidatu sira ne’ebé konkore vaga online Australia iha fulan Abril tinan 2023.
“Anúnsiu ba públiku ligasaun ho prosesu rekrutamentu ba traballadores Timoroan ne’ebé maka aplay ona ba vagas online hamutuk 55.000 iha fulan abril, no iha fulan abril ita avizu ba semana ida no vagas ida, ne’e ita refere ba area 5 mak hanesan: Agrikultor, Hospitalidade, aged Care, konstrusaun no peskas, no area 5 ne’e mak foin lalais governu Timor-Leste ho governu Australia fó sai ba públiku tanba bazeia ba nesesidade empregu ne’ebé mak Australia presiza katak iha tinan ida ne’e sira presiza Timoroan hamutuk 8.000, no presiza kriteira minimu maka Semi- skiil” dehan Diretór Jerál, SEFOPE Paul Alves ba Jornalista sira iha edifisíu SEFOPE, Becora, 30/06.
Nia haktuir, prosesu rekrutamentu ida ne’e la hanesan ho prosesu rekrutamentu ida uluk nian tanba kandidatu traballador uluk Uni-skill no agora ema presiza liu maka kandidatu sira Semi- Skiil.
“Prosesu rekrutamentu ba ida ne’e la hanesan ho ida ne’ebé mak ita halo tiha ona iha uluk liu ba, tanba ida uluk ita prefere liu ba kandidatu traballador sira Uni-Skill, maibé kandidatus traballador ne’ebé ema presiza agora ne’e ema prefere liu mak trabalhador sira Semi-Skill, signifika katak area 5 ne’ebé mak sira konkore ba minimu traballador sira tenke hatudu sertifidau ruma,” Nia esplika
Nia subliña, trabalhardór hirak ne’ebé naran la mosu iha lista labele kestiona, tanba aplikasaun avalia hela ka la priense kriteria espesifiku sira. Nune’e ba traballador hirak ne’ebé mak pasa ona iha lista, prepara an hodi tuir prosesu selesaun Inglesh.
Entertantu ema ne’eb’e maka aplay ba vaga PALM (Pasific Australia Labour Mobility) hamutuk 55.000 no kandidatu 2.500 liu ona fase selesaun dokumentu no priénse kriteria nune’e sei hakat ba faze inglesh, no kandidatus 52,500 lapasa iha selesaun dokumentu, no hirak ne’ebé selesionadu sei ba servisu iha Australia iha area 5 mak hanesan: Agrikultor, Aged-Care, Hospitalidade, konstrusaun no peskas.
