Reportajen David da Costa
Tuir da dos ofisal husi MoH & UNICEF no Health and Nutisaun Suvery (2020) populasaun iha Timor-Leste 46% falta nutrisaun. Tanba ne’e Ministra Saúde Elia A. dos Reis Amaral, iha nia mandatu nia sei tau prioridade ba iha kresimentu difesiente nutrisaun no saúde Materna Infantili.
Ministra Saúde (MS) Elia A. dos Reis Amaral, hateten, iha 100 dias ne’e nia presiza liuliu ekipa ne’ebé maka husi saudé, sei iha enkontru abrajente ho direjente ba iha Ministru Saúde sira, atu nune’e haree ba durante serbisu ne’ebé maka sira hala’o ona, liuliu ba dezafiu sira ne’ebé sira emfrenta, no problema saida maka sira hasoru? Atu nune’e bele haree hamutuk hodi hadi’a diak liu tan.
Maibé iha nia mandatu nia mós sei tau prioridade ba iha programa sira maka hanesan saúde materna infantil, nutrisaun komunitariu liuliu ba labarik ne’ebé nia kreximentu la tuir nia altura, doensa kontasioja, planu nasional ba iha ba vazinasaun no
“Ita hatene katak programa estratéjiku Dezenvolvimentu ne’ebe maka iha tiha ona, ita hahú la’o tiha ona, depois ita haree liu ba prioridade Ministeru saúde nian, ita foka liu ba saúde materna infantil, oinsa haree ba iha nutrisaun komunitariu liuliu ba labarik sira ne’ebé maka kresimentu la tuir nia altura, depois tuir mai foka liu ba iha donsa kontasioja i nomós ita atu haree liu ba iha planu nasional ba iha vazinasaun no foka liu ba mós oinsa maka haree liu ba taxa kobertura ba atendimentu,” dehan Ministra Saúde Elia Dos Reis, bainhira remata Simu tomada de Posse, iha Palásiu Prezidente Bairo-Pite, Sabadu 1/06.
Nia haktuir, sei haree ba oin, tanba foin loron primeiru simu tomda de posse, depois maka haree probelma sira ne’ebé maka durante ne’e iha tiha ona, atu nune’e bele akumula ho didiak para ba oin halo serbisu ho diak no kualidade. Maibé kona-ba malnutrisaun iha Timor ida ne’e mós sai prioridade tanba ne’e sei foka liu ba iha kresimentu difesiente nutrisaun.
“Ami foin tomada depose ohin loron, maibé enkontru sira ne’ebé hari ho parte direjente, liuliu ba iha instituisaun Autonomu sira, atu nune’e haree ba problema malnutrisaun ne’ebé ita boot ohin temi ne’e, ami sei foka liu ba kresimentu difesiente nutrisaun, i ba mós oinsa atu haree ba labarik sira nia nutrisaun la tuir nia altura,” nia esplika.
