Reportajen David da Costa
Dominic Jermey CVO OBE, Embaixadór nomeadu hosi Majestadu hodi sai nu’udar embaixadór ba Republik Indonesia (RI) nomós nu’udar Embaixadór Naun-Residensial ba Republika Demokratika Timor-Leste, ohin aprezenta nia kredensial ba Prezidente Republika (PR) José Ramós-Horta hodi reafirma parseria reinu unidu ho timor-leste ne’ebé buras ba beibeik.
Embaixadór Britaniku ba Timor-Leste Dominic Jermey, hateten, nia haksolok tebes fila fali mai Timor-Leste, tanba ne’e nia nafatin tuir besik nasaun ne’e no ema Timor nian istoria ka lalaok, depois hetan knaar iha Dili, iha tinan 20 liu ba.
“Ida ne’e previlejiu boot tebes ida no honra ba ha’u atu aprezenta ha’u nia kredensial ba Prezidente Timor-Leste, Ha’u nia kolega José Ramós-Horta. Timor-Leste importante tebes ba Reinu Unidu, no mós nu’udar Parseiru Dialogu ba ASEAN, ami suporta tebes adesaun Timor-Leste ba bloku rejional ida ne’e,” dehan Embaixadór Britaniku ba Timor-Leste Dominic Jermey, bainhira hasoru malu ho prezidentee Republika José Ramós-Hora, iha Plasiu Prezidensiál Bairo-Pite, sexta 25/08.
Nia haktuir Renu Unidu nia parseria ho Timor-Leste kontinua buras, foka ba dezenvolvimentu ekonomia, saude, no nutrisaun, adaptasaun klimatika no edukasaun.
Nunee mós Reuni Unidu nia programa bolsu estudu importante, Chevening, atrai tiha ona estudantes talentozu sira atu ba estuda hodi hasai sira nia Mestradu iha Universidade sira iha Reuni Unidu, ne’ebe mak agora dadaun iha ona alumni nain 50 resin. Janela opurtunidade ba hatama aplikasaun loke iha fulan Setembru.
“Tanba ne’e, ha’u hakarak enkoraja estudantes sira atu aplika, atu nune’e sira bele aprende abilidade foun no manan experiensia iha Reinu Unidu hodi ajuda dezenvolve no harii futuru Timor-Leste nian,” nia ekoraja Timoroan.
Ho ida ne’e, nia hakarak tebes atu hala’o nia papel, nu’udar Embaixadór Naun-Rezidensial Britaniku nian ba Timor-Leste, atu hametin liutan relasaun bilateral. Tanba ne’e, hakarak los atu fila fali mai nasaun furak ida ne’e iha tempu badak, no iha opurtunidade atu hafoun relasaun tuan sira no establese relasaun foun entre nasaun rua ne’e.
Biografia Embaixadór Britanika ba Timor-Leste Dominic Jermey.
Dominic Jermey Embaixadór nomeadu hosi Majestadu hodi sai nu’udar Embaixadór ba Republik Indonesia no Timor-Leste iha 2023. Dominic nia postu diplomatiku antes sai nu’udar Embaixadór Majestadu nian ba Afganistaun (2016-17) no ba Uni-Emiradu Arabe (2010-14).
Dominic mak Diretor no Xefe Exekutivu ba Investementu Internu Reinu Unidu nian no ajensia suporta exportasaun nian, Reuni Unidu nia Komersiu no Negosiu hosi 2007-2010 no mós hosi 2014 to’o 2015.
Iha 1999-2000, Dominic sai nu’udar Reprezentante Britaniku ba Administrasaun Tranzisional ONU nian iha Timor-Leste, relata ba Embaixadór Reinu Unidu nian iha Jakarta.
Dominic mós serbii iha Pakistaun, España, Macedonia, nomós nia lidera Ekipa Krizi Reinu Unidu nian iha Tailandia hafoin krizi tan rai nakdoko no tsunami iha tinan 2004.
Dominic mós nu’udar Diretór Jerál hosi ONG siensia konservasaun nian, Sosiedade Zoolojiku Londres, hosi tinan 2017-2022.
Antes hamutuk ho servisu diplomatiku, Dominic mós sai ona nu’udar finansidór kooporativu ba banku, Schroders. Dominic mós sai administradór ba ONG internasional ba dezenvolvimentu CAFOD hosi kedas 2008.
Dominic iha paisaun vitalisia ba konservasaun animais ailaran nian, teatru, no artes. Nia mós gosta luku no trialeta lentu.
