Reportajen Joselina dos Santos
Governu liuhosi Ministéiru Ensino superiôr Ciência e Cultura (MESCC), aprova ona orsamentu Millaun 5 ba eskola Ensinu Superiór privadu sira hodi aposta ba kualidade iha futuru. Orsmentu sira ne’e atu fasilita Ensinu superiór privadu sira atu bele garantia kualidade Universitariu privadu, hodi kapasita joven sira, liuhosi área ne’ebe sira hili.
Ministru Ensino Superiór Ciência e Cultura (MESCC), Jóse Honorio da Costa Pereira Jerónimo hateten, ohin sira mai aprezenta komisaun revisaun orsamentu Ministériu nian, no orsamentu ne’ebé aloka ba ministeiru hamutuk Millaun sia resin no Millaun lima aloka ba universidade privadu sira iha Timor-Leste.
“Ami sei harii komisaun ida hodi bele halo lansamentu orsamentu millaun lima ne’e, maibe komisaun sira sei hala’o vizitasaun ba Ensinu Superiór privadu sira, atu hatene problema sira ne’ebé durante ne’e sira hasoru”, dehan, Ministru Ensino Superior Ciência e Cultura (MESCC), José Honório da Costa Jerónimo, iha Salaun Ministeriu Finansas, tersa 24/10.
Governante ne’e hatutan, Osan milaun lima ne’e, sei harii komisaun ida karik komisaun iha ona hein halo lansamentu no komisaun ne’e rasik sei vizita instituisaun ensinu supriór privadu sira atu haree. Objetivu komisaun no governu atu ajuda tanba importante tebes atu prepara ba kualidade iha futuru, atu joven sira laos hili mak UNTL deit maibe iha alternativu bele hili instituisaun privadu sira.
Programa Prioridade haat ne’ebé Ministéiru Ensinu Superiór Ciência e Cultura implementa mak hanesan, komisaun kordenadora, baze dadus ba Ensinu Superiór sira, Sistema Nasional Kualifikasaun inklui kurikulu eskolar Ensinu superior sira nian. Orsmentu sira ne’e atu fasilita Ensinu superiór privadu sira, nune’e bele garantia kualidade Universitariu privadu, hodi kapasita joven sira, liuhosi área ne’ebe sira hili.
