Home Notisia Rezultadu Apuramentu Horta Ho Votu 46,58%, Lu Olo 22,16%, Hasoru Malu...

Rezultadu Apuramentu Horta Ho Votu 46,58%, Lu Olo 22,16%, Hasoru Malu Iha Segundu Ronde?

1530
0
Diretor Jerál STAE Acilino Manuel Branco. [Foto: Media STAE | 21.03.2022]

Reportajen David da Costa Gusmao

Rezultadu provizoriu apuramentu iha Nasionál ba  eleisaun prezidensiál tinan 2022-2027 hatudu katak kandidatu Prezidente Repúblika (PR) Jose Ramos Horta  manan iha apuramentu Nasionál hosi  Sekretariu Tékniku Administrasaun Eleitorál (STAE) ho votu 301,481 (46,58%) hosi totál eleitór na’in 664,106 ho taxa partisipasaun iha (77,26%).

Sekretariadu Tékniku Administrasaun Eleitorál (STAE) iha Nasionál  hala’o apuramentu iha loron tolu, hahú 19 marsu  no finaliaza iha loron segunda, 21 marsu, tuku 9  kalan minutu balun ne’ebé hetan partisipasaun hosi observadór Nasionál no Internasionál sira hotu.

Dadus hosi  STAE Nasionál nian tótal akta hamutuk 1200. No akta  hosi  munisipiu sira , iha  Aileu  akta 73,  Ainaro 70, Bobonaro 130, Baucau 125,  Covalima 80, Dili 130, Ermera 115, Lautem 80, Liquiça 72, Manufahi 94, Manatuto 70 RAEOA 60 no Viqueque 90.

Entertantu akta  hosi  rai liur hamutuk 9, no  iha Australia  Darwin iha akta 1, melbourme 1, Sindy 1, Korea dos Sul  iha akta 1, iha Oxford iha  akta 2, Irlandia do Norte akta  1 no Portugal, Lisboa no Portu iha akta 2.

“Ho nune’e, hau fó sai ba publika Rezultadu provizoriu apuramentu husi 12 munisipiu, RAEOA no inklui Diaspora, maibe iha ne’e hau sei fó sai nasionalmente,” Durante prosesu apuramentu ita apura akta 1200 ne’ebe maka kompostu husi akta 1191 hosi sentru votasaun iha Teritoriu Timor, no akta 9 hosi Diaspora. Hamesan hau dehan porsesu ne’e remata ona 100%,” dehan Diretor Jerál STAE Acilino Manuel Branco, liuhosi transmisaiun Direta RTTL, Segunda 21/03.

Nune’e  Iha apurament ba iha eleisaun prezidensiál iha nasionál  hatudu kandidatu Prezidente Repúblika,  Francisco Gutrres Lú Olo, iha  segundu lugár ho tótal votu 143,408 (22,16%), kandidata hosi Partidu KHUNTO Armanda Berta dos Santos iha votu 56,289 (8,70%),  kandidatu indepeden Lere Anan Timur hetan votu hamutuk 48,959 (7,57%), no  kandidatu Partidu Demokrátiku, Mariano Assanami Sabino hetan votu 47,008 (7,26%), no   tuir tan maka kandidatu husi Partidu PDRT Anacleto Bento Ferreira hetan votu 13,059 (2,02%).

Entertantu  kandidatu indepeden ne’ebe apoiu hosi PUDD Martinho Gusmão hetan votu 8,485 (1,31%), kandidatu Hermes Barros 7958 (1,23%), kandidata Maria Helena Pires hetan votu 5335 (0,82%), kandidata Isabel Ferreira hetan votu 4165 (0,64%), kandidatu Felisberto Duarte 2,715 (0,40%), Constâncio Pinto 2474 (0,38%), Rogério Lobato 2028 (0,31%),kandidatu Virgílio Guterres 1685 (0,26%), Antero Bendito da Silva 1531 (0,24%) no ikus kandidata Maria Angela Freitas ho votu 692 (0,91%).

No totál elitores ne’ebe maka rejistu hosi baze de dados STAE nian hamutu 859,613, hosi numeru elitor ne’ebe partesia iha elisaun hodi ezerse direitu votu iha eleisaun prezidensiál iha Teritoriu Timor-Laran  hamutuk na’in 664,106, ho taxa partisipasaun iha (77,26%),  hosi total lista eleitór mane 341,746 (51,44%)  no feto 322,460 (48,56%). No elitores ne’ebe la partesipa iha elisaun prezidensiál hamutuk 195, 507 (22,74%).

Nune’e mos  votu validu 647,172 no taxa partesipasaun (97,46%), votu branku iha 3776 (0,50%), votu nulu iha 12,706 (1,91%), votu reklamadu 437 (0,07%), votu rezeitadu iha 60 (0,01%) no ikus liu maka voletin votus abandonadu iha 55 (0,01%).

“Ida ne’e maka apuramentu provizoriu husi Munisipiu 12, RAEOA no inklui Diaspora ninian ne’ebe konklui ninia prosesu, tuir informasaun ne’ebe hau fó sai ita boot sira. Ho ida ne’e hakarak hato’o ba iha publiku katak, depois fó sai rezultadu provizoriu ida ne’e, maka hau bele dehan resposabilidade no knaar tomak  STAE  ninia ba iha prosesu elisaun PR tinan ne’e to’o ona iha nia rohan. Ita hein fali nia prosesu tuir mai iha CNE ho Tribunal Rekursu, para depois bele reklama nia rezultadu Finál” nia esplika.

Print Friendly, PDF & Email

LEAVE A REPLY

Please enter your comment!
Please enter your name here