Reportajen Joselina dos Santos
Komisaun Nasionál Eleisaun (CNE), hato’o ba públiku katak depois de eleisaun loron 19 Marsu 2022 ne’e, sasan sira mai husi kada munisipiu ne’e, sira halo kontajem iha Sentru Votasaun i rezultadu ita hatene ona, no dadaun ne’e dili mak seidauk konklui.
Iha Komunikadu Imprensa ne’e, Prezidente CNE Jose Agustinho Belo hatete, Portantu dadaun ne’e Munisipiu hitu (7) mak tama iha CNE apuramentu Nasionál, i aban ikus nian husi RAEOA, tanba ne’e komesa aban Komisariu sira sei iha Plenaria oinsá atu haree ba prosedimentu numeru elebrasaun antes komesa halo ita nia Apuramentu Nasionál.
“Konteudus apuramentu nasionál ne’e, sei verifika ata sira ne’ebe rezultadu husi munisipiu hamutuk ho aktu-orijinál mai husi Sentru sira, oinsa atu verifika fali karik iha buat balun ne’ebe ita presiza tenke nesesidade atu hadi’a, nune’e mos verifika fali votu numeru sira ne’ebe mai tanba ita hatene katak votu numeru ne’e to’o agora konta di’ak kuaze 10.000 tal,” dehan, Prezidente CNE Jose Agustinho Belo ba Jornalista sira iha Komunikadu Imprensa Iha Salaun CNE Kolmera, 21/03.
Nia dehan, Iha eleisaun ida ne’e Parlamentu Nasionál muda oituan ita nia musilasaun fo kompetensia ba CNE atu verifika votu numerus sira ne’e. Aleinde mos votu reklamadu sira ne’ebe iha CNE sei verifika pois hola desizaun katak ida ne’e vale ka ou nafatin.
“Tuir lei ita sei iha 00.72 horas atu halo verifikasaun ida ne’e, depois ita mos sei hasai rezultadu provisóriu, no mos fo tempu ba reprezentante kandidatu sira, karik sira atu halo reklamasaun ruma, kuandu laiha ona tempu sira uza, ita bele submete ona Tribunal Rekursu atu valida kona-ba rezultadu ne’ebe fo sai,” dehan Jose Belo
Nia akresenta katak, apuramentu ne’e importante tebes i lojika ne’ebe uza iha apuramentu katak votus sira ne’ebe mai ita deside ninia konteudu ne’e sei diminui laiha, tanba karik aumenta signifika katak sira ne’ebe reklamadu ita haree didiak tanba ema nia intensaun votu diferente.
CNE sei halo servisu Parsial Neutru atu asegura kandidatu sira nia direitu, maibe iha mos kestaun balun ne’ebe ita presiza haree katak situasaun Pandemia ne’e bele muda eskedul ida kona-ba Aviaun sira ne’ebe atu lori ita nia voletin sira husi rai liur i voletin sira sei to’o iha dia 27 fulan ida ne’e.