Reportajen Filomena da Conceição
Juventude FRETILIN hato’o sira nia preokupasaun, relasiona ho situasaun saúde ne’ebe agora sai diskusaun públiku, relasiona ho fasilidade, aimoruk no funsionáriu menus.
Liuhusi konferénsia imprensa Juventude FRETILIN, Juvelino Fernandes hatete problema iha Timor-Leste ne’ebé sempre bolu públiku nia atensaun, maka problema sistema saúde ne’e rasik, tanba númeru moras kada loron aumenta ba beibeik, no kontinua rezulta númeru mate sa’e beibeik, no buat seluk maka maioria família barak maka iha esperiénsia, no problema sistema saúde no atendimentu iha Timor-Leste
“Relasiona ho situasaun hirak ne’ebé akontese Juventude Fretelin (JF), husu ba governu atu foti medida imediatu, hodi rekruta fali pesoál saúde ne’ebé ne’ebe kualifikadu, hodi prienxe fatin sira ne’ebé mamuk, tanba diskontinuasaun kontratu ba profisionais saúde sira, nune’e bele normaliza servisu atendimentu publiku ba sidadaun sira no foti medidas urjente ba akizisaun aimoruk”, dehan porta-voz Juvelino Fernandes ba jornalista sira liuhosi komferensia imprensa iha sede CCF comoro, Kuarta 17/01.
Nia haktuir, Problema seluk maka kada tinan pasiente barak maka halo tramaentu iha rai liur tanba fasilidade saúde seidauk sufisiente atu fó atendimento ba moras ne’ebé complexo no komplikadu ne’ebé infernta kada ema ida, la to deit menus fasilidade maibé atendimentu Públiku ida birokrasia hodi difikulta ema barak atu asesu atendimentu ida lais no fasil liu.
“Hafoin reforma no instala governo da IX ne’ebé lideradu husi kay Rala Xanana Gusmão, hanoin katak problema hirak ne’e bele hetan solusaun ho lalais no diak liu-liu kualidade atendimentu saúde iha Timor-Leste sai efetivu no diak liu tan iha Timor-Leste”, dehan Nia
Nia Salienta, Iha kampaina no kontaktu Eleitoral partidu CNRT kompromete ba povu atu dezenvolve Slservisu Saúde ida ne’ebé kualidade no inkuzivu no partidu Partido Dekmokratiku (PD) promete dezenvolve setor saúde no hadia HNGV no hospital sira iha Munisípiu maibé rezultadu akontese dook tebes husi espetativa povu nian.
“Ami konsidera katak Ministra saúde laiha Kapasidade, jestaun idak-idak tenke responsabiliza tanba tuir ami nia observasaun ministra hahú no hakat ho ida ne’e ita hare’le hanesan dezmandamentu ba sistema saúde iha Ministeiru Saúde nian”, nia esplika.
