Reportajen Juvinal Cabral dos Santos
Serimónia lansamentu prosesu akreditasaun atu hatene kuantidade partisipasaun ekipa media iha vizita sua santidade Papa Francisco, husi media nasional ho estranjeiru tanba signifikadu importansia husi vizita Amo Papa nian mai iha Timor-Leste, iha signifikadu espritual ne’ebe boot tebes ba sarani povu Timor-Leste.
“Eventu ida ne’e laos atu hametin ita nia fiar de’it maibe mos atu halibur ita hanesan nasaun ida hodi selebra paz solidaridade, fraternidade ba povu Timor-Leste prezensa Amo Santo Padre nu’udar sinal bensaun no esperansa momentu ne’ebe ita hein esperansa” dehan Sekretariu Estadu Komunikasaun Sosial (SEKOMS) Expedito Loro Dias Ximenes iha Eskritoriu Komisaun Organizadora, Motael-Dili 16/07/2024.
SEKOMS hateten prosesu akreditasaun ida ne’e lansa sira sei halo verifikasaun detallu dadus sira ne’ebe jornalista sira submete ba no sira mos sei halo verifikasaun informasaun klaru no loloos liga fila fali dokumentus ne’ebe jornalista sira hato’o.
“Tanba limitasaun espasu ba ita nia kobertura programa vizita Amo Papa nia ne’e asegura di’ak liu tan koobertura jornalistiku ne’ebe organizadu no aseguradu ida di’ak maibe profesional sei afelia mos kuantidade ba kolega sira hodi halo kobertura, ne’ebe kolega sira sei simu akreditasaun ita sei iha distribuisaun ba eventu programa sira ne’ebe vizita Amo Papa nian.”
Expedito hatutan akreditasaun ne’e ba iha kuantidade jornalista sira nia koobertura iha espasu ne’ebe Amo papa vizita ba, sira mos kompromete katak iha prosesu ne’e lao ho transparante tebes no regirozu hodi garantia katak jornalista sira ne’ebe hetan kredensial iha kondisaun ne’ebe nesesariu no hodi bele halao nia servisu ho diak
“Atu oinsa bele kontaktu prense formulariu akreditasaun ne’e ba iha sekretariadu ami mos fo hanesan wbsite ida atu bele kolega sira kontaktu, no husu tebes ba kolega sira iha kolaborasaun ida di’ak atu bele ita nia involvimentu koobertura ne’ebe ho produto jornalista profesional bele fo susesu ba iha vizita Amo Papa nian, ami agradese tebes ba kolega sira ita bele lao hamutuk atu bele servisu halao ho di’ak”
Formulariu akredisaun ne’e jornalista sira aplika online depois sekretariadu sei halo avaliasaun ba dokumentus sira ne’ebe tama sira sei haree no hetan akreditasaun ho dokumentos komprovativu ne’ebe bele anexu iha formulariu ne’e tenke ho karteira profesional husi konsellu imprensa no mos kartaun empreza ne’ebe jornalista servisu ba.
Iha fatin hanesan Dom Virgilio Cardeal do Carmo da Silva SDB, hateten haree ba tempu vizita Amo Papa ninian ne’e besik dadaun ona momentu historiku ne’ebe povu sarani Timor-Leste hotu hein oinsa hadi’a liu tan no preparasaun sira hodi hasoru momentu importante vizita Amo Papa ne’e
“Liuhosi eventu ida ne’e hodi lansa prosesu akreditasaun ba media nasional ninian ita bele dehan katak tau ona fatuk inan ida ne’ebe importante tebe-tebes iha ita nia preparasaun ba iha eventu ida ne’e hodi fo hanoin ba ita hotu katak hakrak hatudu duni ba mundu buat ne’ebe di’ak, kualidade ka hatudu ita nia identidade pais ida nu’udar nasaun ida” dehan Dom Virgilio iha eventu lansa prosesu akreditasaun media nasional no internasional, Eskritoriu Komisaun Organizadora, Motael.
Dom virgilio hateten liuhusi akreditasaun ida ne’e hakrak atu tais duni katak ida ne’ebe soi no bele mak fo sai media no fo sai menjagen, imajen depois mak publika
“Ha’u desezu atu ema hotu aproveita oportunidade ida ne’e liu-liu ba media hotu-hotu ha’u nia parabens bom susesu ba ita hotu e bom traballu servisu hamutuk atu bele lori duni Timor ba iha mundu fo sai buat diak ida ba ita liu husi vizita Amu Papa ninian”
