Home Saude Mari: VIII Governu Ho PM Taur Sei Kontinua, Ita Tenke Fo Apoiu...

Mari: VIII Governu Ho PM Taur Sei Kontinua, Ita Tenke Fo Apoiu Hodi Bele Kombate COVID 19

753
0
Prezidente PLP no Sekretariu Jeral FRETILIN iha konferensia imprensa. [Foto: Edio Guterres | 21.03.2020]

Frente Revolusionaria do Timor-Leste Independente [FRETILIN] ho Partidu Libertasaun Popular [PLP], loron 21 Marsu 2020 hala’o deklarasaun konjunta atu hamrik hamutuk hodi loke dalan ba formasaun IX Governu Konstitusional no kontribui ba lori Timor-Leste sai husi impase polítika ne’ebé rai ne’e hasoru daudaun.

Iha situasuan refere, bainhira povu hotu preokupa konaba virus Corona ne’ebe sai pandemia, konfirmadu ona ema ida positive ba COVID 19. Ho situasuan ida ne’e Neon Metin husu sekarik IX Governu Konstituisional ne’e harii, sei hare no foti desizaun konaba estady de emergencia?

Ba Neon Metin, Prezidente PLP no nudar Primeiru Ministru atua, Taur Matan Ruak hatan katak agora iha serbisu ne’ebe halo hosi linha ministerial iha VIII Governu Konstituisional, hodi hare virus Corona ne’ebe akontese ona iha Timor.

Taur hateten esforsu dadaun, agora governu serbisu makaas para responde moras Corona virus.  Iha komisaun entre ministerial no iha komisaun teknika ne’ebe dadaun ne’e halo serbisu sira nian, maka  detekta ema ne’ebe moras, naturalement serbisu la para iha ne’e, se ita hare esperiensia nasaun sira ne’e lori fulan 2 to 4 no ita naturalmente tenke preparadu hodi responde situasaun ida ne’e.

“Mesmu governu foun mai, nia sei hatutan, hadia no haburas liutan buat ne’ebe agora hela dadauk”, hateten Taur Matan Ruak

Iha fatin hanesan Sekretariu Jeral FRETILIN, Dr. Mari Alkatiri hatan relasiona ho virus corona ohin loron konfirma katak iha premeiru kazu. Ita atu trava corona Virus atu la aumenta ba bebeik, ita laiha loron naruk, ita iha loron 20 ka 30 para iha Sistema tomak atu trava.

“Ba hau Prezidente da Republika mak sei desidi, ba hau iha tempu pre emerjensia ne’e, tenke loke dalan para emerjensia ona, para hein governu foun hodi atu halo emerjensia, tenke loke dalan ba emerjensia nasional. Para VIII Governu iha kbiit no kompetensia tomak atu trata asumtu ida ne’e. Ba hau laiha dalan atu governu moris aban ka bainrua, maibe Prezidente da Republika mak sei desidi. Ba hau VIII Governu ho nia Primeiru Ministru Taur Matan Ruak sei kontinua no ita tenke fo apoiu, para itabele kombate virus Corona”, hateten Dr. Mari Alkatiri iha Hotel Timor, 21/03.

Dr. Mari mos hatutan katak problema klamidades ne’e mos urujente tanba virus Corona hamutuk klamidades, ema laiha uma para hela, laiha bee moos bele problema boot iha Timor, tanba ne’e mak VIII Governu presiza apoiu.

“VIII Governu la signifika atu lao hanesan agora, tenke hare ema ne’ebe mak serve atu serbisu, ida ne’ebe mak la serve tenke troka. Hau hanesan lider partidu mais votadu pronto fo apoiu tomak ba Primeiru Ministru Taur Matan Ruak, atu halo remoldasaun ba VIII Governu. Hau apoiu Taur Matan Ruak kontinua sai Primeiru Ministru iha VIII Governu, karik Prezidente da Republika bele desidi kontrariu no bainhira desidi ita hotu kumpri”, hateten Dr. Mari

LEAVE A REPLY

Please enter your comment!
Please enter your name here