Home Notisia KHUNTO Partisipa Iha Deklarasaun Konjuta PLP-FRETILIN, Marito: KHUNTO Garante Unidade Nasional

KHUNTO Partisipa Iha Deklarasaun Konjuta PLP-FRETILIN, Marito: KHUNTO Garante Unidade Nasional

5009
0
Bandeira partidu KHUNTO nian iha kongresu, iha CCD. [Foto: Copyright Tony Armindo | 06.03.2020]

Reportazen Zevonia Vieira

Partidu Kmanek Haburas Unidade Nasional Timor Oan [KHUNTO] hetan konvite hosi FRETILIN no PLP hodi partisipa iha asina deklarasaun hodi loke dalan ba harii IX Governu Konstituisional.

Bainhira Neon Metin hare KHUNTO marka prezensa iha seremonia asina deklarasaun entre PLP ho FRETILIN, Neon Metin halo konfirmasaun ho Prezidente PLP, oinsa ho pozisaun KHUNTO nian ba iha harii IX Governu Konstituisional?

Ba Neon Metin Taur Matan Ruak hatan katak iha deklarasaun ne’e katak nakloke ba partidu hotu, ne’ebe hakarak fo sira nia kontribuisaun, hodi aprezenta alternativa foun ba governasaun IX Governu.

Entretantu Neon Metin mos halo entrevista ho reprezentane partidu KHUNTO, Marito Magno konaba sira nia pozisaun, ne’ebe hetan konvite hosi PLP ho FRETILIN.

“Ohin ami mai partisipa tanba hetan konvite hosi FRETILIN ho PLP, tanba ne’e reprezenta Konselhero no Prezidente partidu mai partisipa”, Marito magno hatan ho liafuan badak ba Neon Metin.

Neon Metin koko konfirma konaba KHUNTO mai partisipa iha deklarasaun konjuta entre FRETILIN ho PLP, katak atu apoiu IX Governu ou iha buat seluk?

“Depois mak ita hatene, KHUNTO ne’e partidu ida ne’ebe garante unidade nasional, tanba ne’e respeita ba ita nia lider sira hotu, tanba ne’e prezensa KHUNTO nian atu garante unidade nasional”, hateten Marito ba Neon Metin.

LEAVE A REPLY

Please enter your comment!
Please enter your name here