Home Saude FONGTIL Husu Komunidada Labele Boikota MS, Hodi Estabelese Fatin Kuarentena

FONGTIL Husu Komunidada Labele Boikota MS, Hodi Estabelese Fatin Kuarentena

442
0
Diretor FONGTIL, Daniel dos Santos. [Foto: Francisco JDA | 22.03.2020]

Reportazen Francisco JDA

Forum Naun Governamental  Timor -Leste [Fongtil] Hala’o konferensia imprensa relasiona ho virus Corona ne’ebe afeta ona iha Timor-Leste.

Ba jornalista sira Diretor FONGTIL, Daniel dos Santos katak, rekursu humanu, fasilidade, limitadu los, la presiza dun malu  iha situasaun ida ne’e,  maibe ezije timoroan hotu nia responsabilidade  tau forsa hamutuk, hodi luta hasoru pandemia Corona Virus iha TL

FONGTIL husu ba komunidade no publiku katak atu fo apoio maximu ba servisu Ministerio Saude [MS] ho WHO ne’ebe halo sensibiliza makas ba Covid-19 no labele trava dezisaun MS nian.

“Husu maluk timoroan sira hotu, juventude, inan-aman no komunidade, atu labele boikota dezisaun MS nian hodi estabelese fatin  karantina ba ita nia maluk sira ne’ebe deskonfia  hetan ona infesaun, mai ita hotu hatoo soliedariedade ba malu, hodi evita pandemia Covid-19 hadaet ba komunidade no ita nia an rasik”, dehan Diretor FONGTIL iha Kaikoli, 22/03

Daniel husu timoroan hotu atu labele hakfodak no paniku, tanba paniku ne’e perigu liu Virus Corona, ho tauk ida ne’e sei la kuidadu an no la kuidadu familia. Husu MS atu sieridade aplika dezisaun kona ba obrigatorio halo karantina ou izolamentu, ba maluk timoroan sira ne’ebe foin fila hosi rai liur tuir padraun 14 dias.

“MS no WHO atu halo teste masal ba publiku, nune’e bele prevene Covid-19 labele hadaet ba ema seluk no MS tenke  seriedade kompleta fasilita,pesoal saude ospital nasional Guido Valadares [HNGV], ospital referal, no Postu Saude sira bele halo servisu ho seguru ba atende pasiente ne’ebe iha sintoma Covid-19”,  hatete Diretor FONGTIL.

Diretor FONGTIL mos realsa tan, husu komunidade atu labele halo diskriminasaun ba malu timor oan ou estranjeiro ne’ebe deskonfia hetan Covid-19, tanba inimigu boot liu mak Covid-19

“Mai ita hotu hamutuk luta hasoru invazaun Covid-19, liu hosi ita nia unidade iha asaun no ita nia kolektividade iha intervensaun, ita tenke rona malu labele hein deit MS mak halo nia papel, maibe papel familia mos importante, tanba kuaze sistema saude mundial la konsege eradika virus ida ne’e, konfia ita nia an no MS nian la hakfodak no la tauk nafatin kalma no kuidadu an”, tenik Diretor FONGTIL.

Entertantu Ativista Faustinu Soares Ba jornalista sira hatete, too ohin loron sosiedade sedauk iha konnesementu diak kona ba Covid-19 nia efeitu, tanba ne’e mak entidade hotu iha Timor-Leste preszsa sosializa didiak, tanba centru ne’ebe koloka no tratamentu Covid-19 ne’e laos atu hadaet ba komunidade sira,  ne’e nudar parte ida atu salva ema nia vida, tanba ne’e mak MS  mos presisa iha esplikasaun klean ba komunidade sira.

LEAVE A REPLY

Please enter your comment!
Please enter your name here