Reportagem Cresencia & Zemila
Laos munisipiu hasoru situasaun hanesan bainhira viajen mai tuir misa iha Tasi-Tolu. Ainaro nia viajen diak tan komisaun atende sira diak maibe Manatuto terus uituan be haris fatin la iha, be hemu mos hetan deit botir ida.
Eliza Mendonca hosi Ainaro senti kontenti hodi bele mai tuir missa nebe’e mak sua santidade papa Francisco halo iha tasi tolu no halo viajem husi ainaro mai dili no hela iha husi laran durante loron rua. Nia mos agradese tamba komisaun sira bele prepara hahan be no hahan ba sira durante loron rua ne.
“Ema fo be no hahan hanesan etu sira ne mai ami loron ida ami han dala rua dader sira fo dosi no kalan mak sira fo tan hahan mai ami karik meiudia ami hamlaha entaun ami buka hola rasik deit”, Eliza haktuir.
Nia mos esplika katak antes ne mos sira la hetan esplikasaun ruma husi parte igreja ka komisaun sira konaba hahan nebe sira sei konsumu iha Dili sira atu tein rasik ka ema fo han ne sira lahatene.
Diferente uituan ho Ainaro, peregrinu hosi Manatuto komisaun sira fo deit be aqua bot ida ba kada ema nain ida. Francisco de Jesus hateten katak kona ba situasaun atendementu nebe nia ho ninia kolega sira hetan.
“Ami nia viajen husi munisipiu mai to Dili lao kapas los maibe ami nia dezafiu mak bee liu-liu atu uja ba haris no soe be tamba haris fatin be la iha atu haris mos be la iha hotu”, Francisco esplika.
Francisco mos hateten tan katak sira iha Dili durante loron rua no prepara rasik hahan maibe menus iha be-moos komisaun. Sira so oferese akua ida deit ba ema ida restu ne sira rasik prepara.
