Reportajen Juvinal Cabral dos Santos
Oxfam iha Timor-Leste ho Asosiasaun Jornalista Timor-Leste (AJTL) parseiru liuliu husi projetu Oxfam Hongkong (OHK) ne’ebé mak liga liu kona-ba papel media no mos sosiedade civil hodi halo advokasia luta ba justisa klimatika no mos haree ba impaktu mudansa klimatika ne’ebé mak Timor Leste mos hetan impaktu
“Fulan neen Oxfam ho AJTL halo reflesaun ba atividade projetu sira ne’ebé foka ba media tour ne’ebé halo ona iha munisipiu Lautem no Baucau. Oinsa atu refleta fila fali rezultadu saida mak hetan ona, dezafiu no mos rekomendasaun saida mak ita halo fulan neen ba oin, dehan Prezidente AJTL Zevonia Viera, iha Salaun Alma do Mar, Likisa 11/10/2024.”
Prezidente AJTL hatutan objetivu husi reflesaun ida ne’e bele hadi’a buat balun ne’ebé sei hetan nia dezafiu, hodi buka solusaun no hametin liu tan halo planu atividade sira ne’ebé presiza halo tan iha tinan oin.
“Fahe esperensia ba malu entre Oxfam ho AJTL no mos ita ninian aliadu Klibur Estudante Juventude Suku Sagadate (KEJUSS) oinsa mak bele atinji ita nia objetivu ne’ebé mak ita hakarak liu husi projetu ida ne’e”
Iha sorin seluk Jestor ba Programa no Influensia Oxfam Timor-Leste, Adilson da Costa hato’o nia obrigado ba AJTL no mos parseiru husi KEJUSS ne’ebé hola parte ba reflesaun fulan nee nian ba projetu OHK. Ne’ebé foka liu kona ba asuntu kampainha mudansa klimatika nian ne’ebé AJTL lidera.
“Durante fulan neen ba kotuk AJTL servisu hamutuk ho parseiru sira iha munisipiu Lautem no mos Laga Baucau implementa Programa media tour. No mos produs bulletin reportagen husi media tour ne’e rasik publika iha Sira nia plataforma media sira ne’ebé mak iha, entaun liuhusi atividade sira ne’ebé mak iha desde orseik no ohin loron Oxfam organiza reflesaun fulan neen ninian, hodi haree fila fali Ita ninian servisu ne’ebé mak durante ne’e ita halo Ita atinji duni objetivu ne’ebé iha ne’e ga lae?, haktuir Jestor Oxfam Adilson iha Salaun Alma do Mar”
Nia hatutan liuhusi atividade reflesaun ne’e oinsa bele hadi’a diak liu tan servisu Parseria, kolaborasaun ne’ebé mak halo entre AJTL ho Oxfam no mos parseiru sira iha kampu.
“Programa media tour ne’ebé mak ita sei planu ba fulan neen tuir mai signifika husi fulan Outubro to’o Marsu Ita sei iha programa media tour ba munisipiu Ermera, Ida mak ba RAEOA Oecusse papel hanesan halo koobertura hodi rona povu nian lia Kona ba impaktu mudansa klimatika ba Sira nia moris subsistensia ba bee no buat hotu-hotu”
Jestor Oxfam ne’e dehan liuhusi media tour ne’e publika reportagen Sira ne’e hodi politika nain sira atu bele uza dokumentasaun ka informasaun Sira mai husi jornalista Sira hodi forma sira nia planu, Programa sira nia politika nune’e bele responde ba problema mudansa klimatika iha komunidade Sira nia moris iha Timor-Leste.
Iha atividade relfesaun ne’e Oxfam iha Timor-Leste hetan apoiu fundus husi Oxfam Hongkong, simbolikamente entrega xavi Motor 1 ho Desktop 2 ba AJTL hodi apoiu serbisu iha terenu.
Nune’e mos AJTL agradese ba Oxfam iha Timor-Leste no Oxfam Hongkong ne’ebe fo fiar ona ba AJTL hodi implementa programa media nia asaun ba Justisa klimatika, hodi halo Media Tour iha munisipiu haat
