Reportajen Joanina Casamiro
Forum Komunikasaun ba Feto Timor-Leste (FOKUPERS), realiza Seminariu & Bazar ho tema “Hamutuk Prevene no Hapara Violénsia hasoru Feto liuhusi asegura feto nia direitu fundamental inklui direitu ba Rai no Propriedade”. Objetivu husi atividade ne’e atu kontribui ba iha prevensaun mudansa ba atitude, pensamentu nomós mudansa ba ema nia hanoin atu la halo kualker violénsia hasoru feto ho labarik feto, entaun ida ne’e sai hanesan komintemtu no obrigasaun ema hotu nian atu bele hapara violénsia iha rai laran.
Presidente Konsellu Kuradór (FOKUPERS), Maria Domingas Fernandes Alves hatete, violénsia Timor-Leste iha 64 numeru ne’ebé numeru aumenta nune’e atu kombate kontra violénsia, la bele ko’alia barak maibé asaun mak tenke barak. Nune’e SEI hanesan instituisaun governu ne’ebé parseiru ho Fokupers ida hodi kontra violénsia domestika no sensivel ba jestaun violasaun kontra feto. Dadaun ne’e pior liu mak violasaun sexual, hanoin tempu Indonezia mak halo violasaun ba feto liu-liu violasaun sexual, maibe realidade iha tinor uma laran mos kontinua halo violasaun hasoru familia rasik, ho ida ne’e hamutuk luta hodi hapara kazu violensia iha sosiedade nia leet.
“Fokupers mai ho Misaun no Vizaun bo’ot mak desde uluk kedas hakarak halo remata pontu korente ne’ebé kontinua akontese kada loron, sosiedade dadaun ne’e rejista barak tanba sira iha ona konséinsia katak violénsia ne’e krimi bazeia ba lei kontra violénsia domestika ne’ebé aprova iha 2010. Ita mos iha planu asaun anual nomos iha konvensões lubuk ida estadu Timor-Leste ratifika mos ita nia relatoriu, tanba ne’e atividade ohin Fokupers parseiru ho OXFAM-TL hodi apoiu ba asuntu violénsia violasaun kontra Feto”, dehan Presidente Konsellu Kuradór (FOKUPERS), Maria Domingas Fernandes Alves iha edifisiu Fokupers Farol 3/24.
Iha fatin hanesan Direitor Jeral SEI, Armando da Costa apresia ba Fokupers ho nia parseiru sira ne’ebé suporta Fokupers hodi realiza atividade Seminariu no Bazar ne’ebé hatudu komitmentu forte tebes. Tanba hahú kedas iha tinan 1978 to’o agora signifika iha komitmentu no iha vontade bo’ot servisu iha área ida ne’e espesialmente iha área responde nune’e prevene mos violénsia hasoru feto ho labarik feto.
“Atividade ida ne’e realiza iha ambitu kampañia durante loron 16 kontra formas violénsia oin-oin feto ho labarik feto atividade lubuk ida la’o lansa ona iha dia 25 de novembru hamutuk ho parseiru. Komunidade sira husi instituisaun governu ajénsia Internasional husi familia ONU nian ho parseiru sira hotu, OGN Lokal, espera sei kontribui direitamente pontu rua, prevene violénsia hasoru feto no labarik feto, nomos lori servisu ne’ebé prontu atu responde ba iha sobrevivensia sira husi violénsia bazeia ba jeneru”, Nia dehan.
