Reportajen Filomena da Conceicao
Ministru Administrasaun Estatal (MAE), husu ba Presidente Autoridade Munisipiu (PAM) no Diretór Jerál (DJ) Munisipais tenke hatene ida-idak nia papel ba iha ezekusaun orsamentu no halo asistensia sosial no Planeamentu ba Iha kada Munisipiu no mos Postu administrativu sira iha Timor-Leste. Tanba ne’e, Ministeiru Administrasaun Estatal (MAE), Realiza Formasaun ho titlu Etratejia Desentralizasaun, Kompetisia Estrutura Autoridade Munisipal no autoridade administrativa bazeia ba DL no 84/ 2023, hodi fo hanoin ba Autoridade no DiretórJerál munisipais no autoridade Postu Administrativu sira,
Ministru Administrasaun Estatal (MAE), Tomas Cabral, hateten, Sentidu husi Lei 84/2023 nee, hanesan tranzisaun ida ba autoridade Munisipais no postu administrativu sira, atu fo kompetisia ba sira ba implementassaun orsamentu sira ho diak no importansia husi formasaun refere atu fo hanoin ba Autoridade Munisipais no Autoridade Postu Administrativu sira hatene sira nia Papel ba asistensia sosial no Planeamentu Iha Munisipiu no postu administrativu Sira.
“Sentidu husi dekretu Lei 84, ne’e hanesan tranzisaun ida ba autoridade sira, dekretu Lei 3 subtitui dekretu Lei 84, ita atu fo kompetisia ba sira , tanba tuir lei orsamentu katak 500 mil mai kraik implementasaun ne’e iha munisipiu sira, maibé autoridade sira tenke hatene sira nia kompetisia sira ne’e, tanba ne’e mak ami konvoka formasaun ba loron 4 ba autoridade no diretor jeral munisipais sira no autoridade Postu Administrativu sira ho xefe departementu ne’e ketak, para sira nia papel ne’e mais importante atu fo asistensia ba asuntu sosias no asuntu Planeamentu iha kraik”, dehan Tomas ba Jornalista sira iha Salaun INAP Comoro, Segunda 16/12.
Nia Esplika, Programa PNDS mos MAE entrega ba sira, tanba PNDS ne’e, nia programa mais baziku atu komunidade halo programa no programa implementa rasik duke hein governu sentral mak ba haree programa ne’e, tanba ne’e autoridade sira tenke hatene saida mak sira nia kompetisia ba ezekusaun orsamentu.
“Hakarak informa mos katak dadaun ne’e, orsamentu ba autoridade sira la liu ona husi MAE, maibé sira nia ezekusaun direita munisipiu Dili 19 milloes Kiik liu ne’e 2 milloes tanba sa mak merenda eskolar la la’o sira tenke hatene sira nia kompetisia ne’e”, Nia esplika.
Nia Esplika liu tan, tanba servisu sira husi PAM Munisipiu tutela iha Ministru Estatal signifika Autoridade munisipais sira iha kompetisia atu jere jestaun sira iha munisipiu no postu Administrativu sira tenke la’o ho diak.
