Reportajen Silvino Freitas
UNICEF apoiu solar-panel liuhusi projetu green energy ba Postu Saude, Eskola no Sede Suku iha Hera, nune solar-panel sei tulun postu saude ,atu asegura aimoruk vasina ne’ebe sempre difikulta husi enerjia eletrika neebe mate lakan, nunee husi projeitu nee mos tulun halo redusaun ba enerejia la renovavel neebe iha nia impkatu la diak ba meiu ambiente.
Enfermeiru Samuel Ribeiro dehan, solar panel neebe apoiu husi UNICEF nee parte ida atu tulun sira hodi halo jestaun ba voltajen enerjia eletrika nian tanba komparasaun entre enerjia husi solar no husi eletrika solar bele halo jestaun ba forsa enerjia neebe bele garante tuir kapasidade sasan eletrika sira nunee husi enerjia solar nee ho kpasidade fiksu kompara ho enerjia eletrika nee dalaruma mai ho kapasidade neebe boot bele halo estragus ba sasan eletrika sira, tanba nee sira agradese ho rekursu foun nee mos bele tulun sira bele armazena sasan mediku sira hanesan vaksin.
“listrik mate lakan nee ami preokupa tanba ami iha nee uza jeleira atu tau vaksin maibe kuandu ahi mate vaksin sira nee estraga, ami agradese kuandu ida nee iha nee ami sei la preokupa tan wainhira ai-moruk sira at, antes nee ami iha duni difikuldade tanba iha nee AC laiha aimoruk nee tenke iha malirin deit nia labele manas nomos aimoruk konaba vaksin nee karun” dehan Enfermeiru Samuel Ribeiro hafoin simu vizita husi ekipa UNICEF iha postu saude Hera, (05/03).
Enfermeiru Samuel Ribeiro mos husu nafatin ba UNICEF atu kontinua apoiu postu saude refere tanba iha fatin atu simu aimoruk laiha kadeira atu pasiente sira tuur tanba nee nia husu atu halo fatin tuur, nune’e mos nia rekomenda atu parte UNICEF halo nafatin manutensaun ba failidade sira neebe apoia sira tanba husi esperensia neebe hatudu husi NGO lokal balun neebe abondona projeitu neebe laiha manutensaun ikus mai hetan estragus.
Fatin hanesan Carlito Alves Consultan Enjineiru ba Projeitu UNICEF dehan, projeitu refere ho naran green energy neebe uza solar sell neebe integra ba fatin 3 maka sede suku Mota Ki’ik, eskola bazika filial primeiru no segundu siklu Hera no postu-saude Hera nune’e kuandu foufoun sira halo assessment husi fatin 3 nee presiza 23 kilowatt, tanba nee maka solar sira monta ho kapasidade 23 kilowatt no iha sistema inverter iha 20 kilowatt inverter rua neebe fungsi hotu ba fatin 3 no batria mos 60 kilowatt tanba nee kuandu loron-matan la mai sira uza batria.
“Dezde 22 fevereiru nee sira monta solar sistema hotu ona sira koko ona no too agora nee iha fasilidade saude eskola no sede suku uza energia solar nian” Carlito Alves Consultan Enjineiru ba Projeitu UNICEF iha postu saude Hera.
Carlito Alves konklui katak, solar panel neebe sira apoiu nee tulun tebes postu saude Hera tanba sira iha difikuldade ida maka atu asegura aimoruk vasina tanba sira iha jaleira neebe durante nee sira preokupa ho eletrisidade neebe mate lakan halo jaleira neebe tau aimoruk la dun funsiona ho diak entaun fo impaktu ba aimoruk vasina maibe ho apoiu solar panel bele asegura diak tanba enerjia solar neebe sei funsiona ho diak, nunee mos projeitu refere parte ida atu halo redusaun ba uza enerjia la renovavel neebe ninia impaktu la diak ba ambiente liuliu mudansa klimatika no minimiza enerjia neebe kria poluisaun makaas.
