Home Notisia Timor-Leste Tenke Ratifika Konvensaun Internasional Kontra Ema Lakon

Timor-Leste Tenke Ratifika Konvensaun Internasional Kontra Ema Lakon

50
0
(Foto:Reliefweb.Int)

Koordenador Komite Popular, Berta Antonieta, lee deklarasaun konjunta husu atu parlementu atu ratifika konvensaun internasional mak fo protesaun ba hahalok halakon ema obrigatoriu. Deklarasaun ne’e le no distribui iha okaziaun komemorasaun loron konsulta popular ba dala 20, iha Jardin Borja da Costa, 29/08.

“Ba Timor-Leste atu ratifika konvensaun internasioal kontra hahalok halakon ema ho forsadu (International Convention for the Protection of All Persons from Enforced Disappearance) no establese prosesu ida mak iha qualidade hodi reintegra hikas labarik lakon ba sira nia familia, komunidade no nasaun,” Berta ho lian makaas hatete.

Partisipante sira rekomenda pontu ida ne’e tanba haree katak vitima ho sira nia familia  hein to’o tinan 20 ona maibe justisa ba krimi kontra umanidade mak akontese iha pasadu seidauk to’o ba sira. Autor save sira hosi krimi kontra umanidade kontinua livre no vitima sira kontiuna sofre.

Ema 18,000 lakon forsadu durante okupasaun Indonesia seidauk hetan hotu to’o ohin loron. Uituan deit mak reunifika ona sira nia familia. Feto sira mak hetan violasaun sexual no sai vitima ba parte sira mak iha konflitu seidauk rekupera hosi sira nia trauma no iha kbi’it hodi kontinua sira nia moris.

Situasaun hirak ne’e temi momoos iha relatoriu CAVR no CVA maibe estadu parte ba konflitu, liliu Indonesia nunka tau konsiderasaun forte hodi implementa rekomendasaun relatoriu CVA ne’ebe sira mos hola parte hodi produs.

“To’o ohin ami hein ami nia maun lakon seidauk fila. Ami atu husu ba see? Estadu rai rua diak malu ona, maibe ami nia maun ami seidauk hatene nia paradeiru,” partisipante ida iha konferensia mak lakoi temi nia naran esplika.

Relatoriu CVA temi kona ba establese Komisaun Buka Ema Lakon maibe to’o agora Indonesia seidauk hola desizaun ruma hodi implementa rekomendasaun relatoriu ne’e.

 

 

LEAVE A REPLY

Please enter your comment!
Please enter your name here