Home Notisia Estudante Japaun Nain 5 Tuir Programa Peskija Jeneru iha Timor-Leste

Estudante Japaun Nain 5 Tuir Programa Peskija Jeneru iha Timor-Leste

64
0
Estudante Japaun Nain 5 Tuir Programa Treinamentu iha UNTL (Foto: Adroaldo Serutakeu)

Reportajen Adroaldo Saretukau

Programa Treinamentu Peskija Women Leader Program to Promote Well-Being in Asia ne’e hala’o iha UNTL, hosi Estudante Doutoramentu na’in lima, Universidade Nagoya, iha Japaun. Estudante refere na’in rua iha área Medisina, na’in rua seluk iha área Dezenvolvimentu Internasional no ida iha área Siénsia Bioagrikultural. Estudante hirak ne’e akompaña hosi Profesor Doutor na’in tolu.

Pofesor Asosiadu Hosi Nagoya University, Yuji Utsumi, esplika kona ba programa treinamentu peskija ida ne’e sei foka ba asuntu jeneru.

“Ami mai iha ne’e atu halo Training Program ba ami nia estudante ba Development Program iha Azia. Programa ida ne’e iha relasaun ho asuntu jeneru nian. Tinan-tinan ami hala’o Training Program iha nasaun-nasaun iha Azia no tinan ida ne’e ami desidi mai iha Timor-Leste no hala’o ami nia aktividade iha ne’e durante loron sia (9). Ami sei ba iha eskola sira, agrikultor sira, vizita agrikultor kafé nomós investigasun konabá asuntu edukasaun no jeneru nian,” Profesor Yuji esplika, iha UNTL.

Yuji mos dehan katak sei hala’o peskiza balun iha ne’e, so estudante hosi UNTL sei kordena hamutuk ho ami nia estudante sira. Depois de hala’o ami nia peskiza, loron ikus ami sei halo aprezentasaun iha ne’e, fo obrigadu no apresiasaun ba ita nia kolaborasun.

“Objetivu hosi programa ida ne’e mak estudante sira atu hatene Istória Timor-Leste nian antes no depois de Independénsia hosi Indonézia no Kolonia Portugés. Atu komprende konabá oinsá dezenvolvimentu hikas isu sira no aktividade maktulun sira ba progresu hosi parseiru nune’e ho estratejia atu dezenvolve nasaun iha estrutura SDGs nian,” Yuji aumenta.

Iha Training Program ida ne’e, partisipante sira sei fahe ba grupu rua no foku iha isu no estratejia en termu de Edukasaun no Agrikultura respetivamente no nia objetivu propoin projetu realístiku hanesan objetivu final.

Diretor Sentru Estudu Jéneru UNTL, Gil da Conceição, haksolok ho prezensa estudante sira iha UNTL, no ho fokus iha estudu jeneru.

Ami Sentru Estudu Jéneru UNTL, nasaun Timo-Leste kontenti no Apresia ba ita boot sira nia prezensa iha ami nia nasaun. Ami kontenti ho ita boot sira nia desizaun peskiza nian. Mai ami ita boot sira foti desizaun ne’ebé perfeitu, hili Timor-Leste, tanba hanesan nasaun Pos-Konflitu ida hodi hala’o ita boot sira nia peskiza. Tinan 20 liu ba ami desidi rasik hodi hili Ukun rasik aan. Loron rua liu ba ami foin komemora tinan rua nulu referendum Timor-Leste nian”, Gil expressa.

Sentru Estudu Jéneru hanesan unidade ki’ik ida iha UNTL, estabele iha tinan 2012 hodi fasilita estudante sira halo diskusaun, semináriu, peskiza, dala ruma ami organiza aktividade sosial hanesan reflorestasaun no fasilita estudante sira estuda Siénsia Jéneru nian.

Profesor no estudante hirak ne’e to’o iha loron 1 fulan setembru iha Díli no simu Direita hosi Diretor Sentru Estudu Jéneru UNTL hamutuk ho estudante sira, iha Salaun Aiditóriu UNTL. Training Program refere sei hala’o durante loron sia hahú loron 1 to’o loron 9 fulan Setembru.

LEAVE A REPLY

Please enter your comment!
Please enter your name here