Home Saude 04 Juñu, Deteta Kazu Pozitivu COVID nain 89, Kazu Rekuperadu 167 no...

04 Juñu, Deteta Kazu Pozitivu COVID nain 89, Kazu Rekuperadu 167 no Mate nain 1

864
0
Ilustrasaun virus Corona. [Foto: Copyright google | 07.03.2020]

Reportajen Zevonia Vieira

Ministériu Saude (MS) deteta tan kazu pozitivu COVID-19 iha loro 04 Juñu total 89 no kazu rekuperadu 167. Liu hosi komunikadu imprensa, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo relata katak kazu detetadu foun hamutuk 89 (iha Dili 67, no iha munisípiu seluk 22).

Husi total kazu detetadu foun ohin mane 43, feto 46, husi total kazu detetadu foun ohin, hirak ho idade tinan ho idade 60 nain 6. Husi total kazu detetadu foun ohin, proporsaun kazu sintomátiku hamutuk 5,6%.

Kazu rekuperadu ne’ebé ralata ohin iha nain 167, total kazu ativu 2501. Total kazu konfirmadu kumulativu sura husi 21 Marsu 2020 to’o ohin loron hamutuk 7511. Total óbitu ne’ebé relata ohin iha nain ida, ho detalle hanesan tuir mai mane idade tinan 48, timoroan hela iha Maliana, iha loron 27 Maiu 2021 ba Hospital Referensia Maliana (HRM), tamba i’is-bo’ot no mear ho isin manas durante loron 4 antes.

“Matebian iha mós istória diabetes ho tensaun a’as. Iha HRM halo teste PCR deteta pozitivu ho CT N2gene24,5 & Egene 22,7, hafoin enkamiña, iha loron ne’e kedas, ba fatin isolamentu Vera Cruz, ho diagnoze traballu Pneumonia grave tanba COVID-19. Durante iha Vera Cruz halo tratamentu tuir protokolu ne’ebé iha, inklui terapia ho oksijéniu liu husi ventilasaun asisitida ho CPAP1”, relata iha komunikadu imprensa.

Iha loron 31 Maiu ekipa médika deside halo Continuous Positive Airway Pressure (CPAP). Ventiladór naun-invazivu ne’ebé ajuda ema dada-i’is di’ak-liu, bainhira pulmaun la funsiona di’ak hodi simu oksijéniu (O2) no hasai dióksidu karbonu (CO2).

Intubasaun hodi liga ba ventiladór no nafatin fo’o tratamentu sira seluk. Ohin dader matebian i’is-kotu tanba respiratory failure/fallansu respiratóriu. Familia ho ekipa saúde sira sei koordena hela kona-ba funeral.

Husi horiseik mai ohin loron ema hamutuk halo teste PCR 983 iha Dili. Kazu ativu iha Dili 1935 no kazu obitu iha Dili 15, Maliana nain ida no Liquisa nain 1 (total obitu hamutuk 17).

Print Friendly, PDF & Email

LEAVE A REPLY

Please enter your comment!
Please enter your name here