Home Notisia Amo Bispo nain 3 Husu Nain Ulun Sira Kaer Liman Hamutuk, Hadia...

Amo Bispo nain 3 Husu Nain Ulun Sira Kaer Liman Hamutuk, Hadia Povu nian Moris

1146
0
Hafoin remata enkontru Arcebispo ba Arquidiocese Dili, Dom Virgilio o Carmo da Silva. [Foto: Santina Lucia da Costa | 31.01.2020]

Reportazen Santina Lucia da Costa

Prezidente da Republika, Dr. Francisco Guterres Lu Olo, hasoru malu ho Confissoes Religiosas, Bispo da Diocese Dili, Baucau no Maliana, hodi rona hanoin sira relasiona ho impase politika ne’ebe lao ona hosi 2017 to’o ohin loron.

Hafoin remata enkontru Arcebispo ba Arquidiocese Dili, Dom Virgilio o Carmo da Silva, ba jornalista sira katak Amo Bispo mai laos atu fo  sira nia hanoin ka solusaun ba problema, maibe mai patrilha preokupasaun no fo rekomendasaun nudar uma kreda.  Papel hosi uma kreda mak akompanha nafatin povu nia susar no terus to’o Timor ukun an.

Dom. Virgilio hatutan, depois de ukun rasik an mos, uma kreda fo apoiu nafatin ba nain ulun governu se deit mak ukun rai ida ne’e, uma kreda nafatin iha kotuk fó apoiu, atu nain ulun sira ukun rai ida ne’e.

“Prezidente da Republika ezerse katak rai ida ne’e tuir nafatin Lei Inan, buat ne’ebé hatuir ona Konstiuisaun. Ita nia Konstituisaun mak dalan ne’ebé garante, atu lao iha dalan los, instituisaun ida ne’ebé ita atu através ne’e, xave maka ita nia Lei Inan, Konstituisional hodi inspira buka dalan ne’ebé di’ak ba pov,u ida ne’e atu lao dalan ne’ebé los”, hateten Dom. Virgilio.

Dom. Virgilio mos apela ba ulun nain sira no politiku sira, hodi kaer liman hamutuk, tenke sentiment ida deit, maske diferensia politka, rekonnese buat ne’ebe lao ona, tenke brani hadia no hadia buat ne’ebe la los.

“Haree ba ita nia povu lorloron kontinua halerik, politiku sira banhira hetan kadeira, liu husi povu mak sira ba tur iha kadeira, agora hetan tiha kadeira kontinua haka’as nafatin atu ukun, oinsa mós tenke hakuak nafatin povu, agora situasaun hanesan ne’e povu mak kontinua terus”, hateten Dom. Virgilio

LEAVE A REPLY

Please enter your comment!
Please enter your name here