Home Notisia PD Hili CNRT, Kalohan: PD Hanoin Hamutuk Ho CNRT Mak Sei Solusiona...

PD Hili CNRT, Kalohan: PD Hanoin Hamutuk Ho CNRT Mak Sei Solusiona Impase Politiku

1010
0
Sekretariu Jeral Partidu Demokrariku, Antonio da Conceicao "Kalohan". [Foto: Copyright Media PD | 18.02.2020]

Reportazen Zevonia Vieira 

Partidu Demokratiku [PD] prepara ona karta no sei asina hosi Prezidente PD, Mariano Sabino Asanami, ba Neon Meitn via telephone Sekretariu Jeral PD, Antonio da Conceicao “Kalohan” konfirma katak desizaun horseik ne’ebe mak foti liu hosi konferensia nasional extraordinario katak municipiu 10 aseita ba hamutuk ho partidu CNRT, municipiu Baucau deklara atu entrega deit ba Prezidente da Republika mak desidi no municipiu Ainaro ho Viqueque mak entrega ba diresaun mak desidi.

“Ami foti konkluzaun katak maioria desidi duni atu ba ho CNRT, karta ami hakerek ona hodi fo konfirmasaun ba CNRT katak halo koligasaun hamutuk”, hateten Kalohan via telephone, iha loron 21/02.

Razaun fundamental PD hili opsaun hamutuk ho CNRT? Ba Neon Metin Kalohan hateten premeiru ho PLP hatene katak iha ona koligasaun ida ne’ebe sira halo no koligasaun sira nian ne’e la hetan apoiu iha aprezentasaun Orsamentu Jeral Estadu 2020.

“Signifika katak se ami ba ho PLP, ami sei hasoru situasuan ne’ebe mak hanesan tanba konserteza se governu foun bah o nia postura ne’ebe mak iha maibe tanba kompozisaun politika ne’e sei nafatin hela deit, entaun ami laiha konfiansa ida atu bele apoiu politiku ida iha Parlamentu Nasional. Ida ne’e mak razaun principal no  konsidera tanbasa mak ami la hili proposta hosi PLP”, hateten Kalohan

Kalohan hatutun katak proposta ne’ebe hosi PLP, tuir lolos direita mai PD maibe liu fali hosi Partidu FRETILIN, entaun signifika katak PD iha relasaun diak ho FRETILIN maibe PLP laiha konfiansa ho PD, “se koligasuan ne’e FRETILIN mak bolu, ami bele tetu maibe tanba ho PLP nia proposta ne’e ba ha FRETILIN, maka FRETILIN hatoo mai ami hanesan aliad FRETILIN, ida ne’e mak halo ami tetu no ami deha la dun seguru ba ita tanba FRETILIN mos vota kontra orsamentu, derepende FRETILIN sei muda nia votu  no FRETILIN sei muda nia votu no atu afavor fila fali ba orsamentu hosi PLP”.

Razaun seluk hili hamutuk ho CNRT tanba dependensia ema hotu nian hare ba figura Xanana nian, ema hotu hakarak situasuan ne’e remata maka katuas sira tur hamutuk, “se koligasaun ida ne’e CNRT mak lidera sertamente nia tenke hasoru ona Prezidente da Republika no nia mos tenke hasoru sira seluk, ho ida ne’e PD hanoin katak dalan atu solusiona impase politiku ne’e”.

Neon Metin mos dada lia ho Prezidente CPN PD nian, Adriano Nacimento katak desizaun ne’ebe foti liu hosi konferensia mak desizaun final no desidi liu hosi dalan demokrasia.

 

 

 

 

LEAVE A REPLY

Please enter your comment!
Please enter your name here