Home Saude WFP-TL Serbisu Hamutuk Ho Doadór Sira Kombate Mal-nutrisaun Iha TL

WFP-TL Serbisu Hamutuk Ho Doadór Sira Kombate Mal-nutrisaun Iha TL

207
0
Reprezentante Nasoens Unidas Program Ai-han Mundial (WFP). Foto: Joselina | 22.04.2022]

Reportajen Joselina dos Santos

Reprezentante Nasoens Unidas Program Ai-han Mundial (WFP) iha Timor-Leste, Dageng Liu Servisu hamutuk ho doadór sira hanesan Brazil, Xina, European Union Civil Protection and Humanitarian AID, From the people of Japaun, New Zealand, Portugal, Republic of Korea inklui Timor-Leste,  hodi Kombate Mal-nutrisaun iha Timor-Leste liu-liu ba Inan isin rua inan fó susu no labarik sira tinan lima mai kraik.

Reprezentante Nasoens Unidas Program Ai-han Mundial (WFP) iha Timor-Leste Dageng Liu Felicita hatete, objetivu husi Sorumutu ida ne’e atu fahe informasaun saida mak WFP halo ona durante iha tinan kotuk no mos fo agradese ba iha doadór sira ne’ebe mak suporta ba iha WFP inklui ba Governu Timor-Leste nian, tanba durante ne’e suporta ona WFP hodi halo operasaun atividade sira ne’ebe mak deside  ona.

Nia dehan peskiza Ai-han no Nutrisaun 2020, ne’ebe konduta Husi Ministériu Saúde ho apoiu husi WFP no parseiru dezenvolvimentu sira seluk hatudu katak problema mal-nutrisaun (rais badak) redús (husi 50.2% iha 2013 ba 47.1% iha 2020) no krekas (husi 11% iha 2013 ba 8.6% iha 2020). Malnutrisaun ba inan sira (kategoria krekas) ho prevalensia redús husi 27% iha 2013 ba 15% iha. Progresu hira ne’e aliña ho WFP nia prioridade atu hadi’a estadu nutrisaun ba labarik, inan isin-rua no inan fó susu sira liu husi SBCC no apoiu tékniku ba Governu.

“Atividade sira ne’ebe mak durante ne’e ami halo mak bazeia ba situasaun Emerjénsia  Covid-19 nian no Inundasaun ne’ebe akontese iha loron 4 Abril 2021,  entaun WFP suporta ba ida ne’e no mos ba atividade bain-bain hanesan suporta ba iha merenda eskolar no mos ba Komunikasaun Mudansa Hahahlok no Sosial (SBCC) ne’ebe mak WFP iha no mos atividade Nutrisaun inklui mos atividade Sexta Basika nian,” Reprezentente Nasoens Unidas Program Ai-han Mundial (WFP) iha Timor-Leste ba Jornalista sira iha UN-WFP COMPOUND, Caicoli, 22/04.

Nia dehan total Orsamentu ne’ebe mak sira aloka ba atividade WFP nian durante iha tinan 2021 to’o oihn loron nian ho montante $ 7.9 Millaun,  maibe osan sira ne’e balu mai iha findu de ano  entaun osan sira ne’e sira sei Cary Over ba tinan ida ne’e no mos ba tinan oin.

“Atu hatete katak buat ne’ebe mak sei halo kontinuasaun husi doadór sira ne’ebe mak iha kometimentu hanesan Governu Cinha Governu Japaun no KOICA ne’ebe mak daudaun ne’e, ita sosa ona Super Cereal Tom ida tama ona iha Aero-portu liu husi suporta husi Governu China hodi Fahe ba inan isin rua no Inan fó Susu atu prevene husi Mal-nutirisaun iha Timor-Leste,” nia informa.

Nia esplika, Super Cereal hanesan hahán pakote ida ne’ebe fó ba inan isin rua no inan fó susu, tanba ne’e ohin Ministériu Saúde foti ona sasan Governu Xina nian  husi Aero portu atu lori mai iha Sames, husi parte seluk Governu Japaun no KOICA, daudaun ne’e sosa ona kona-ba hahan fortifikadu ne’ebe mak sei tuir mai hodi responde ba nesesidade oin-oin no asegura seguransa ai-han iha Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here