Reportazen Zevonia Vieira
Eleisaun ba destituisaun hodi hatun Prezidente Parlamentu Nasional (PPN) Arao Noe konsege realiza iha plenaria.
Relasiona ho proposta ne’ebe hato’o hosi bankada FRETILIN, PLP no KHUNTO hodi destitui PPN Arao Noe, liu hosi eleisaun ne’ebe mak organiza hosi membru Parlamentu sira liu-liu hosi bankada PLP, KHUNTO no FRETILIN.
Rezultadu hosi eleisaun ne’e hatudu votus a-favor hamutuk 36. Bankada PD, PUDD, UDT, FM no CNRT la tuir eleisaun refere.
Bainhira Neon Metin halo konfirmasaun ho Xefe Bankada FRETILIN, Aniceto Guterres konaba nia lejimitidade iha ka lae? Tanba laiha agenda ne’ebe mak prepara hosi sekretariu no laiha enkontru lideres bankada?
Ba Neon Metin Aniceto hateten se hakarak kestiona nia lejitimidade iha ka lae? Bele hatoo keixa ba Tribunal maibe rezultadu eleisaun lao ona no hatudu votus a-favor maioria.
Iha Parte sorin Sekretária Jerál (SekJer) Parlamentu Nasionál (PN), Cedelizia Faria dos Santos hateten konaba eleisaun ne’ebe akontese halao iha sala plenaria, hosi parte Sekretariadu do parlamentu la hetan konnesementu, sekarik iha eleisaun iha sala de plenaria tenke iha konnesementu hosi Prezidente Parlamentu Nasional.
Iha parte sorin Deputadu CNRT, Aderiot Hugo mos hateten katak hosi parte Prezidente Parlamentu Nasional atual rasik ho ninia ekipa legal sei halo prosesu ba daln legal.
“Final hosi ne’e mak justisa, ema hotu atu hetan justu ba ninia pozisaun mak tenke ba tribunal. Tribunal mak sei desidi ida nee mak los no salah. Aktus ida halo desituisaun ne’e la tuir regaras ne’ebe mak iha, se buat hotu lao tuir regras sei laiha problemas”, hateten Aderiot Hugo,
Ida ne’e dehan asaltu illegal? Ba Neon Metin Aderito Hugo hateten, “se ita boot hotu akompanha iha regras adminstrativa la involve tekniku sira atu halo kontazen, buat hotu iha nia rezimentu no tenke priense rekejitus ne’ebe mak iha
