Home Feature Agredese Ba Pesoal Balun Mak Fo Tulun, Teresa: Hau Fahe Mos Ba...

Agredese Ba Pesoal Balun Mak Fo Tulun, Teresa: Hau Fahe Mos Ba Vijinhu Ne’ebe Moris Susar

349
0
Teresa agredese ba pesoal balun nebe tulun ona nia. [Foto: Santina Lucia da Costa | 29.04.2020]

Reportazen Santina Lucia da Costa

Relasiona ho notisia ne’ebe mak Neon Metin publika iha loron 22 Abril 2020, ho Titulu “Teresa Tama Sai Uma Husu Foos Ba Tein, Hosi Moris Kiak Ba Kiak Liutan”, pesoal barak mak konsege tulun Teresa ba nesesidade baziku.

Neon Metin dada lia fali fila-fali ho Teresa konaba sentimentu bainhira nia hetan netik tulun, hodi bele sustenta nia uma laran.

“Ba familia ne’ebe mak tulun ona hau no fo apoiu ona mai hau, hau husu obrigadu/a no agradese barak ba imi, hau husu tulun ba Maromak, atu nune’e fo tulun ba ema sira ne’ebe mak ajuda ona hau, atu nune’e aban bainrua ita sei hasoru malu nafatin, hau laiha liafuan atu koalia tan hau so iha liafuan agradese deit”, hateten Teresa Pinto ba  Neon Metin iha Manleu  29/4.

Teresa hateten ema ne’ebe mak apoiu Teresa hamutuk ema 20 resin no mos Mauhoka ho grupu São José, apoiu nesesidade bazika mak hanesan Foos, Supermie, susu been, manu-tolun, ikan lata no seluk tan.

“Sasan ne’ebe mak fo apoiu hau, laos hau mesak mak han, maibe hau mos fahe tutan ba vizinhos sira ne’ebe mak hanesan laiha duni hanesan hau, ne’ebe agora foos hela saka 2, supermie dos 2 no mina 5 liter  ida.” dehan Teresa.

Teresa hatutan agora dadaun atu urus fixa familia, nia hamutuk ho uma na’in, tanba nia labele halo fixa familia ketak tanba nia eleitoral Munisipiu Baucau nian.

Tuir observasaun Neon Metin nesesidade baziku ne’ebe mak pesoal sira tulun Teresa, agora dadaun foos hela saka 2, supermie dos 2 no mina 5 liter ida, tanba fahe tiha balun ba familia sira ne’ebe mak hahan laiha hanesan ho nia. Komunidade balun mos ba Teresa nia uma ezije katak ami mos hahan laiha nusa mak ami labele hetan, entaun Teresa sente ba ladiak no fahe hotu ba ema balun ne’ebe mak husu ba nia.

LEAVE A REPLY

Please enter your comment!
Please enter your name here