Home Notisia Seguransa Merkadu Manleuana Serbisu Iha Nakukun Laran, Jestor: Husu AMD Instala Lampu

Seguransa Merkadu Manleuana Serbisu Iha Nakukun Laran, Jestor: Husu AMD Instala Lampu

457
0
Kondisaun merkadu Manleuna. [Foto: Raimundu Seguerau | 19.06.2020]

Reportazen Raimundo Seguerau

Xefe Jestor Merkadu Manleuana, Julio Barros F. da Costa, husu Autoridade Munisipiu Dili  (AMD) atu instala lampu iha Merkadu Manleuana, nune’e bele fasilita seguransa sira nia serbisu, iha tempu kalan tanba durante ne’e serbisu iha nakukun laran.

“Preokupasaun boot ida ba ami merkadu Manleuana, seguransa tur iha nakukun laran, hau dirije ba Prezidente Autoridade Munisipiu Dili, bele toma konsiderasaun”, dehan  Xefe Jestor iha Merkadu Manleuana, Sexta (19/20).

Nia haktuir, tanba lampu ne’ebé la lakan fó impaktu negativu ba seguransa sira nia serbisu, iha tempu kalan iha merkadu Manleuana no difisil tebes ba sira, hodi halo kontrolu ba merkadu Manleuan inklui fó ameasa sira nia vida.

“Iha ne’e kalan, lampu públiku ka lampu sorot nunka ida lakan, ne’e preokupasaun boot tebes”, nia preokupa.

UNICEF no UE ajuda Governu hadia ona sanitasaun no instala bee iha merkadu Manleuna. [Foto: Raimundu Seguerau | 19.06.2020]

Nia mós hato’o agradesementu ba UNICEF no Uniaun Eropeia ne’ebé ajuda governu Timor-Leste, liu-liu merkadu Maleuana hodi hadi’a ona sanitasuan no instala ona bee iha merkadu, hodi fasilita vendedor sira hodi hala’o atividade negosiu.

“Hau hakarak hato’o agradesementu ba ulun boot UNICEF no ulun boot Uniaun Eropeia ne’ebé fó ajuda mai halo rehabilita ba ita nia Merkadu Manleuana liu-liu ba haris fatin, durante ne’e kondisaun aat, durante tinan 2014 to’o mai 2020”, nia agradese.

Print Friendly, PDF & Email

LEAVE A REPLY

Please enter your comment!
Please enter your name here