Home Uncategorized OXFAM: Globalmente Covid-19 Hamosu Hamlaha no Kiak, Fo Impaktu Ba Seguransa Aihan

OXFAM: Globalmente Covid-19 Hamosu Hamlaha no Kiak, Fo Impaktu Ba Seguransa Aihan

228
0
Joven nia kontribuisaun iha agrikultor. [Foto: Copyright OXFAM TL | 09.07.2020]

Reportazen Zevonia Vieira

Pandemia hamlaha global mosu dadaun nudar konsequensia hosi krizi COVID-19. Liu komunikadu imprensa hosi OXFAM Timor-Leste informa katak, uma kain barak relata, sira nia fontes rendementu menus no mos menus fornesementu aihan. Suporta ho tarjetu klaru ba agrikultura bele hases krizi ba hamlaha.

Tuir rezultadu asesmentu iha Maiu 2020, hosi Avaliasaun Rapidu ba Seguransa Aihan, ne’ebe halo ba uma kain 1200 resin iha Timor-Leste laran tomak, iha 81% hosi uma kain sira relata katak, COVID-19 fo impaktu negativu ba sira nia fontes aihan no mos fontes rendementu, no uma kain 40% mak uza estratejia responde ho maneira hamenus konsumu aihan lorloron nian. Avaliasaun Seguransa Aihan ne’e lidera hosi Ministeriu Agrikultura Timor-Leste ho suporta hosi Oxfam, Mercy Corps, World Vision, Catholic Relief Services, ADRA no programa nutrisaun no agrikultura hosi TOMAK.

“Governo Timor-Leste merese hetan valorizasaun ba nia esforsu sira hodi hatan ba COVID, garante katak virus ne’e la mosu iha komunidade sira nia let. Ne’e atinjimentu bo’ot ba salva vida nian. Iha tempu hanesan, ita mos observa katak familia sira hasoru moris susar tanba sira nia fontes ba aihan ka rendementu hetan impaktu,” Oxfam nia Diretur Pais, Kathy Richards hateten, iha komunikadu imprensa, 09/07

Kathy Richard hatutan antes krizi COVID-19, agrikultor iha Timor-Leste hasoru tiha ona esperiensia, dezafiu tempu udan nian iha 2019-2020, hasoru moras animal nian hanesan African Swine Fever, pesti ataka aihan sira, hanesan Fall Army Worm, no udan been ladiak.

Iha komunikadu imprensa ne’ebe Neon Metin asesu hosi OXFAM Timor-Leste, mos relata katak, krizi COVID-19 la sai deit nudar problema saude. Avaliasaun Rapidu ba Seguransa Aihan 2020 hatudu katak inseguransa aihan akontese iha tempu hanesan ho impaktu hosi krizi COVID-19 nian. Avaliasaun ne’e rekomenda presija halo intervensaun koordinadu iha nivel oioin governo nian hodi hadiak seguransa aihan iha komunidade rurais sira.  

“Ita presija garante katak iha Timor-Leste, COVID-19 la halo luan liutan lakuna disegualidade iha area rurais. Ami pronto apoio Governo Timor-Leste, liu hosi MAP, hodi lidera nasaun ne’e sai hosi krizi. Ida ne’e opurtunidade atu dezenvolve diak liutan no hatudu katak investimentu sustentavel iha setor  agrikultura mak save ida ba Timor-Leste nia rekuperasaun ekonomiku no sustentabilidade tempu naruk nian”, hateten Kathy Richard.

OXFAM Timor-Leste mos sita katak pandemia hamlaha iha mundo kontinua aumenta, seguransa aihan iha mundo tomak no situasaun hamlaha durante krizi COVID-19, sai preokupasaun bo’ot. Oxfam iha estimasaun katak iha rai barak, ho pandemia mak akontese dadaun, hosi Abril to’o ba Septembru 2020, ema 6,500 bele mate tan hamlaha.

OXFAM mos relata katak failansu sistematiku ba sistema aihan nia, mak fo impaktu ba disegualidade no hamlaha. Tuir Programa Aihan Mundial nian (WFP) no International Food Policy Research Institute (IFPRI), ema miliaun 265 mak oras ne’e dadaun hasoru hamlaha seriu, ne’e numeru mak dupla ona kompara ho krizi aihan iha 2008. Adisionalmente, iha ema miliaun 150 mak posivelmente sei hasoru inseguransa aihan.

LEAVE A REPLY

Please enter your comment!
Please enter your name here