Home EduTek Cuba Sei Apoiu SEJD Ba Area Formasaun Espesilizada Edukasaun Fizika no Desportu

Cuba Sei Apoiu SEJD Ba Area Formasaun Espesilizada Edukasaun Fizika no Desportu

308
0
SEJD hasoru malu ho Embaixador Cuba iha TL. [Foto: Francisco JDA | 18.08.2020]

Reportanzen Adroaldo ‘Saretukau’

Sekretaiu Estadu Juventude no Deportu (SEJD), Abrão Saldanha hasoru malu ho Embaxador Cuba iha Timor-Leste, Omar Lauro Marrero Betancourt hodi diskute area nesesidade deportivus ne’ebe presiza.

Sekretariu Estadu Abrao hateten Timor-Leste halo kooperasaun kleur tebes hahu hosi tinan 2004, ho reuniaun ne’ebe halao iha Malaysia Kualumpur entre Prezidente da Republika, Xanana Gusmao ho Primeiru Ministru, Dr. Mari Alkatiri ho saudozu Prezidente Cubanu, Fidel Castro iha tempu ne’eba, no ida nudar baze ba kooperasaun entre Cuba ho Timor.

Abrao dehan iha kazu konretu SEJD nian, atu kontinua halo kooperasaun ne’ebe foka liu bai ha pilar formasaun rekursu umanus, “ita iha area desportu maibe ita iha problema ho rekuru umanus, ita laiha profesores edukasaun fizika no desportivu barak iha eskola sira”.

“Agora da-dauk ami ko’alia ho embaixada Cuba, irmaun Cubanu sira, atu ita hahú servisu hamutuk iha ne’e hodi fahe hamutuk ho ita. Cuba iha prestasaun internasional di’ak tebes iha área ida ne’e, iha prestasaun olimpiade ne’ebé boot tebes ba área ida ne’e, sira sei asiste ita atu lori espesialista sira, lori tékniku sira, hodi mai ita nia universidade, hanorin ita nia joven sira iha ne’e, atu sira bele ba hanorin fali iha eskola sira konabá edukasaun fízika no Desportu”, hateten Sekretario Estadu Abrão hafoin sorumutu iha edifísiu SEJD, tersa, 18/08.

SEJD kontente tanba Cuba iha disponivel hodi bele fo apoiu bai ha asumtu refere no tuir planu diskusaun sei halao iha semana oin, hodi identifika area nesesidade no area espesilaizasaun ne’ebe mak Timor presiza.

LEAVE A REPLY

Please enter your comment!
Please enter your name here