Home Notisia Impaktu Hosi Pandemia COVID-19 Produto Lokal Susar Asesu Merkadu Iha Liur no...

Impaktu Hosi Pandemia COVID-19 Produto Lokal Susar Asesu Merkadu Iha Liur no Laiha Folin

1167
0
FONGTIL organiza diskusaun. [Foto: Francisco JDA | 18.08.2020]

Reportazen Francisco JDA

“Uluk kedan ita tenta duni atu fo merkadu di’ak ba produtu lokal, maibé depois de COVID-19 senti katak la folin liu. Ha’u hanoin prekupasaun ida mak ita seidauk iha polítika implementasaun di’ak, atu dezenvolve ita nia ekonomia no difisil tebes atu realiza, maibé bazeia ba ami nia esperiénsia ho kafé nain ho grupu feto sira, ami dezenvolve tan produtu seluk, tanba feto nia servisu importante tebes iha uma laran no mós iha toos, maibé sira nia direitu atu dirije ka jere osan iha uma laran barak depende ba nia laen sira, entaun ami fo oportunidade ba sira, para produsaun buat ruma hosi sira nia rekursu ne’ebé iha nanis kedas”. PARCIC

Forum Organizasaun Naun Governamental Timor-Leste (FONGTIL) realiza diskusaun konaba impaktu ekonomia iha situasaun pandemia COVID-19, ne’ebe fo impaktu liu ba ema vulneravel sai kiak liutan no kazu mal nutrisaun aumenta

Liu hosi diskusaun refere, Country Director PARCIC Timor-Leste, Junko Ito hateten Timor-Leste nia merkadu domestika ne’e kiik tebes, liu liu ba produtu lokal ne’ebé faan iha loja no super merkadu sira, maioria sosa hosi estranjeiro no hafoin estadu emergencia, estranjeiro sira fila halo produtu lokál la folin.

“Uluk kedan ita tenta duni atu fo merkadu di’ak ba produtu lokal, maibé depois de COVID-19 senti katak la folin liu. Ha’u hanoin prekupasaun ida mak ita seidauk iha polítika implementasaun di’ak, atu dezenvolve ita nia ekonomia no difisil tebes atu realiza, maibé bazeia ba ami nia esperiénsia ho kafé nain ho grupu feto sira, ami dezenvolve tan produtu seluk, tanba feto nia servisu importante tebes iha uma laran no mós iha toos, maibé sira nia direitu atu dirije ka jere osan iha uma laran barak depende ba nia laen sira, entaun ami fo oportunidade ba sira, para produsaun buat ruma hosi sira nia rekursu ne’ebé iha nanis kedas”, hateten Country Director PARCIC iha salaun FONGTIL, 18/08

Country Director PARCIC ne’e mos hateten dalabarak akontese atividade hotu, halo grupu feto sira liu hosi treinamentu prátika ba produtu lokal, maibé merkadu la sosa tanba la hare ba nesesidade demanda merkadu nian.

Nia hateten bazeia ba kualidade produtu rai laran, iha ona poder atu kompetetividade maibé folin mak difisil tanba produtu ne’ebé produz iha rai laran, nasaun vizinho mós bele produz ho folin kiik maibé ho kuantidade ne’ebé boot.

Iha Fatin hanesan Presidente Comisaun D Asuntu Ekonomia, Antoninho Bianco iha intervensaun hateten kada tina ekonomia dependensia ba minarai no importásaun produsaun hosi rai li’ur, entaun aspetu ekonomia dezenvolvimentu ne’e presiza tenta halo produsaun ba sira seluk, la’ós minarai de’it.

Iha diskusaun ne’e hetan partisipasaun mos hosi orador sira hanesan Manuel Vong nudar ekipa Rekuperasaun Ekonomia Timor-Leste, Prezidente Komisaun D, Antoninho Bianco, Country Director PARCIC, Junco Ito no emprezariu Timor, Rui Castro.

Print Friendly, PDF & Email

LEAVE A REPLY

Please enter your comment!
Please enter your name here