Reportajen David da Costa Gusmao
Governu Republika Indonesia apoiu ambulansia ida ba governu Timor-Leste, hodi fasilita Ministériu Saúde (MS) liuliu iha Servisu Nasionál Ambulansia Emerjensia (SNAE) nian, atu bele transfere ema moras sira husi Atauru ho Oe-cusse mai Dili.
Diretór Servisu Nasinál Anbulance Emergensia (SNAE), Horasio Sarmento da Costa hato’o agradese ba governu Indonesia, tanba bele oferese ona ro ambulansia ida ne’e bele apoiu ona Ministériu Saude (MS) liuliu ba iha instituisaun saude SNAE, hodi bele responsabiliza ba iha servisu transferensia nia moras nia iha rai laran.
“Ro ambulansia ne’e bele uza hodi halo evakuasaun ba ita nia pasiente sira tantu iha Atauro no mós husi RAEOA, mai hospitál Nasionál Guidu valadares (HNGV) ,”dehan Diretór SNAE iha portu Dili, Kinta 25/11.
Nia haktuir Durante ne’e MS iha deit kooperasaun ho aviaun Nasinál Airo Flyght (NAF) hodi halo evakuasaun ba pasiente sira, maibe aviaun nia operasaun ne’e so halo deit iha loron hahu husi tuku 7:00 dader no to’o tuku 17:00 loraik no kalan labele halo operasaun.
“Aviaun ne’e la halo operasaun iha kalan, dala ruma ita nia pasiente husi Atauro no oekuse presiza iha tempu kalan ita labele responde, dala barak ita iha xamada iha tempu kalan ita labele responde. Ita husu apoiu polisia Unidade Maritima sira, maibe sira mós iha prolema entaun labele responde, entaun ita nia ema sira hakotu iss tanba ita nia kapasidade atu atende ne’e seidauk bele,” nia esplika.
Tanba ne’e ho apoiu Governu Indonesia ninia liu ho ro ambulansia ne’e bele responde ona ba komunidade sira husi Atauru ho Oe-cusse ne’ebe mak presiza hetan atendementu saude diak liu tan iha HNGV.
Ro ambulansia ne’e akumula ema hamutuk 25 pessoal no mós ho kapitaun Ro na’in ida ho Navegadór nain tolu. Ro ne’e finansia husi Indonesia ho totál Oramentu $22000.
