Home EduTek 40% Kondisaun Eskola Iha Baucau Grave no 90% Sedauk Iha Biblioteka

40% Kondisaun Eskola Iha Baucau Grave no 90% Sedauk Iha Biblioteka

402
0
Diretor Servisu Edukasaun Municipiu Baucau, Felix Ximenes. [Foto: Francisco JDA | 24.09.2020]

Reportazen Francisco JDA

Edukasaun mak baze fundamentu, hodi prepara nia ema sira partisipa iha prosesu dezenvolvimentu, maibe tenke ho edukasaun ne’ebe kualidade, adekuadu no dignu. Bainhira edukasaun ho kualidade diak, dezenvolvimentu mos sei hatudu rezultadu ne’ebe halo ema hotu sente justu

Hafoin Ministeriu Edukasaun Juventude no Desportu (MEJD) halao workshop nasional iha otel Novo Turizmo konaba hadia kualidade edukasaun, liu hosi hadia kualidade dadus edukasaun nian, ho objetivu atu rona opiniun hosi parseiro no fokal point  sira kona baze dadus hosi municipiu sira.

Neon Metin koko dadalia ho Diretor Servisu Edukasaun Municipiu Baucau, Felix Ximenes kona ba infraestutura no kondisaun eskola iha municipiu Baucau. Ba Neon Metin Diretor Jeral Edukasaun Municipiu Baucau ne’e informa katak total eskola iha municipiu Baucau hamutuk 228, iha 40% kondisaun diak, 20% kondisaun ladun diak no 40% kondisaun eskola la diak ka grave no liga ho biblioteka 10% mak estabele ona no  90% mak seidauk estabelese biblioteka.

“Ita iha ona planu ba infraestrutura ba eskola ho ninia orsamentu hato’o ona ba iha diresaun nasional infraestrutura nian, atu halo submisaun ho orsamentu Ministeriu Edukasaun nian, ne’ebe sei aprezenta ba iha Parlamentu Nasional no karik orsamentu ne’e hetan aprovasaun mak iha tinan 2020 projeitus ba infraestrutura eskola nian 32 mak apresenta ona, atu halo reabilitasaun melhoramentu ba kondisaun infraestruturas nian”, hateten Diretor Edukasaun Municipiu Baucau, Felix Ximenes iha Hotel Novo Turizmo Lesidere, 22/09.

Nia haforsatan  kona ba biblioteka iha tinan kotuk servisu hamutuk ho embaixada Portugal ajuda no estabelese ona biblioteka iha ensino baziku Tirilolo no mos ensinu Sekundariu Vila Nova no tinan ida ne’e kontinua halo kooperasaun ho Ministeriu para bele halo parseiro sira ne’ebe ajuda governu ba area biblioteka nian, Baucau sei define priporidade atu tau biblioteka iha eskola.

Direitor Edukasaun Municipiu Baucau rekomenda ba VIII Governu liu-liu Ministeriu Edukasaun atu preve mos orsamentu ba iha infrastruturas liu-liu edifisiu no sala de aula, inklui meza no kadeiras, no mos tau orsamentu ba estabelesimentu biblioteka hosi nivel ensino baziku to’o jeral, nune’e estudante sira bele asesu ba biblioteka, bele aumenta estudante sira nia referensia, konnesimentu iha area sientifiku no jerais balun.

LEAVE A REPLY

Please enter your comment!
Please enter your name here